Shine Tom Chacko Admits Drug Use, Police Find Transaction Evidence

ഷൈൻ ടോം ചാക്കോ ലഹരിമരുന്ന് ഉപയോഗിക്കുന്നയാളാണെന്ന് പോലീസിനോട് സമ്മതിച്ചതായി റിപ്പോർട്ട്. പേടിച്ചോടിയ ദിവസം ലഹരിമരുന്ന് ഇടപാടുകാരനായ സജീറുമായി 20,000 രൂപയുടെ ഇടപാട് നടത്തിയതിന്റെ തെളിവുകൾ പോലീസിന് ലഭിച്ചിട്ടുണ്ട്. എന്നാൽ, പേടിച്ചോടിയ ദിവസം ലഹരിമരുന്ന് ഉപയോഗിച്ചിട്ടില്ലെന്നും ഷൈൻ പറഞ്ഞു. ലഹരി പരിശോധനയ്ക്കിടെ ഹോട്ടലിൽ നിന്ന് ഇറങ്ങിയോടിയ സംഭവവുമായി ബന്ധപ്പെട്ടാണ് പോലീസ് ഷൈനിനെ ചോദ്യം ചെയ്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലഹരിമരുന്ന് ഇടപാടുകാരുമായി ബന്ധമില്ലെന്ന് ആദ്യം പറഞ്ഞ ഷൈൻ ഒടുവിൽ സജീറിനെ അറിയാമെന്ന് സമ്മതിക്കുകയായിരുന്നു. ഡാൻസാഫ് അന്വേഷണത്തിൽ കണ്ടെത്തിയ ലഹരിമരുന്ന് ഇടപാടുകാരനായ സജീറുമായി നടത്തിയ ഫോൺ കോളിന് വിശദീകരണം നൽകാൻ ഷൈനിന് കഴിഞ്ഞില്ല. കോൾ ലോഗുകൾ പുറത്തുവന്നതോടെയാണ് ഷൈൻ പരുങ്ങലിലായത്.

ഷൈനിനെതിരെ എൻഡിപിഎസ് സെക്ഷൻ 27, 29 പ്രകാരം കേസെടുത്തിട്ടുണ്ട്. ലഹരിമരുന്ന് ഉപയോഗിച്ചതിന് തെളിവ് ലഭിച്ചതിന്റെ അടിസ്ഥാനത്തിലാണ് കേസെടുത്തത്. ലഹരിമരുന്ന് ഉപയോഗം, ഉപയോഗത്തിന് പ്രേരിപ്പിക്കുക, പങ്കാളിയാകുക തുടങ്ങിയ കുറ്റങ്ങളാണ് ചുമത്തിയിരിക്കുന്നത്.

ഷൈനിനെ ആന്റി ഡോപ്പിംഗ് ടെസ്റ്റിന് വിധേയനാക്കാനും പോലീസ് തീരുമാനിച്ചിട്ടുണ്ട്. തലമുടി, നഖം, ശരീര സ്രവങ്ങൾ എന്നിവ പരിശോധിക്കും. എറണാകുളം ജനറൽ ആശുപത്രിയിലാണ് മെഡിക്കൽ പരിശോധന നടത്തുക. പേടിച്ചോടിയ ദിവസം ലഹരിമരുന്ന് ഉപയോഗിച്ചിരുന്നോ എന്ന് പരിശോധനയിൽ നിന്ന് വ്യക്തമാകും. എസിപി ഇക്കാര്യം സ്ഥിരീകരിച്ചിട്ടുണ്ട്.

ചാലക്കുടി ബാങ്ക് കവർച്ച: കുറ്റപത്രം സമർപ്പിച്ചു

Story Highlights: Shine Tom Chacko admitted to police that he uses drugs, and evidence suggests a 20,000 rupee transaction with drug dealer Sajir.

ഷൈൻ ടോം ചാക്കോയ്ക്ക് പിന്തുണയുമായി മേജർ രവി; സോഷ്യൽ മീഡിയയിൽ വിമർശനം