Shine Tom Chacko Explains Hotel Escape to Police

ഹോട്ടലിൽ നിന്ന് പോലീസ് എത്തിയപ്പോൾ ഓടിയതിന് വിശദീകരണവുമായി നടൻ ഷൈൻ ടോം ചാക്കോ രംഗത്തെത്തി. തന്നെ പിന്തുടരുന്നത് ഗുണ്ടകളാണെന്ന് തെറ്റിദ്ധരിച്ചാണ് ഓടിയതെന്ന് ഷൈൻ പോലീസിന് മൊഴി നൽകി. സിനിമാ മേഖലയിൽ ശത്രുക്കളുണ്ടെന്നും, അവരെ ഭയക്കുന്നുണ്ടെന്നും ഷൈൻ പറഞ്ഞു. എന്നാൽ ആരാണ് തന്റെ ശത്രുക്കൾ എന്ന് തനിക്ക് അറിയില്ലെന്നും അദ്ദേഹം കൂട്ടിച്ചേർത്തു. തന്റെ വളർച്ചയിൽ അസൂയപ്പെടുന്നവരാണ് തന്നെ പിന്തുടരുന്നതെന്നും ഷൈൻ പോലീസിനോട് പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷൈൻ ഉപയോഗിക്കുന്ന മൂന്ന് ഫോണുകളിൽ ഒന്ന് മാത്രമാണ് ചോദ്യം ചെയ്യലിനായി കൊണ്ടുവന്നത്. സ്ഥിരം ഇടപാടുകൾക്ക് ഉപയോഗിക്കുന്ന ഫോൺ അല്ല ചോദ്യം ചെയ്യലിനായി കൊണ്ടുവന്നതെന്നും പോലീസ് സംശയിക്കുന്നു. എല്ലാ ഫോണുകളും കൊണ്ടുവരാത്തതിന് മറന്നുപോയെന്നാണ് ഷൈനിന്റെ മറുപടി.

ചോദ്യം ചെയ്യൽ ആരംഭിച്ച് ഒരു മണിക്കൂർ കഴിഞ്ഞിട്ടും പോലീസുമായി പൂർണമായും സഹകരിക്കുന്നില്ലെന്നും റിപ്പോർട്ടുണ്ട്. പോലീസ് ചോദിക്കുന്ന ചോദ്യങ്ങൾക്ക് ഷൈൻ ഒറ്റവാക്കിൽ മറുപടി നൽകുകയാണെന്നും പറയപ്പെടുന്നു. മൂന്ന് എസിപിമാരുടെ നേതൃത്വത്തിലാണ് ചോദ്യം ചെയ്യൽ നടക്കുന്നത്. ലഹരി ഇടപാടുകൾ ഉണ്ടോ എന്നറിയാൻ ഷൈനിന്റെ വാട്സ്ആപ്പ് ചാറ്റുകൾ, കോളുകൾ, ഗൂഗിൾ പേ ഇടപാടുകൾ എന്നിവ പരിശോധിക്കുന്നുണ്ട്.

ഷൈൻ ടോം ചാക്കോയ്ക്കെതിരെ രൂക്ഷവിമർശനവുമായി എ.എ. റഹീം എം.പി.

രാവിലെ 10.30ന് ഹാജരാകാനായിരുന്നു പോലീസ് നോട്ടീസ്. എന്നാൽ യാത്രയിലാണെന്നും വൈകിട്ട് 3.30ന് ഹാജരാകുമെന്നും ഷൈനിന്റെ പിതാവ് പോലീസിനെ അറിയിച്ചിരുന്നു. പിന്നീട് 10.30ന് തന്നെ എത്തുമെന്ന് പോലീസ് അറിയിച്ചു. പിതാവിനും അഭിഭാഷകനുമൊപ്പമാണ് ഷൈൻ ചോദ്യം ചെയ്യലിനായി ഹാജരായത്. പോലീസ് നിശ്ചയിച്ച സമയത്തേക്കാൾ അരമണിക്കൂർ മുമ്പാണ് ഷൈൻ പോലീസ് സ്റ്റേഷനിൽ എത്തിയത്.

Story Highlights: Shine Tom Chacko explains to police why he ran from the hotel.

ഓപ്പറേഷൻ ഡി-ഹണ്ട്: 196 പേർ അറസ്റ്റിൽ