Devotees Pray at Demolished Cross Site in Thommankuth, Idukki

തൊടുപുഴ◾: തൊമ്മൻകുത്തിൽ വനം വകുപ്പ് പൊളിച്ചുമാറ്റിയ കുരിശിന്റെ സ്ഥാനത്ത് വിശ്വാസികൾ പ്രാർത്ഥന നടത്തി. ഏകദേശം 500 ഓളം വിശ്വാസികളാണ് കുരിശിന്റെ വഴിയിൽ പങ്കെടുത്തത്. വനം വകുപ്പും പോലീസും ഇവരെ തടയാൻ ശ്രമിച്ചെങ്കിലും വിശ്വാസികൾ വലയം ഭേദിച്ച് അകത്തുകടന്ന് പ്രാർത്ഥന നടത്തുകയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തൊമ്മൻകുത്ത് സെൻറ് തോമസ് പള്ളിയിൽ ദുഃഖവെള്ളി ചടങ്ങുകൾക്ക് ശേഷമാണ് വിശ്വാസികൾ കുരിശിന്റെ വഴിയുമായി തൊമ്മൻകുത്തിലേക്ക് തിരിച്ചത്. നാൽപ്പതാം വെള്ളി ദിവസം വിശ്വാസികൾ സ്ഥാപിച്ച കുരിശ് വനംവകുപ്പ് പൊളിച്ചുമാറ്റിയ സ്ഥലത്താണ് പ്രാർത്ഥന നടന്നത്. തൊടുപുഴ റിസർവ് ഫോറസ്റ്റിൻ്റെ ഭാഗമായതിനാൽ പ്രദേശത്ത് പ്രവേശിക്കാൻ അനുമതിയില്ലെന്ന് വനം വകുപ്പും പോലീസും വിശ്വാസികളെ അറിയിച്ചു.

65 വർഷമായി തുടരുന്ന വിശ്വാസത്തിന്റെ ഭാഗമായാണ് കുരിശ് സ്ഥാപിച്ചതെന്ന് വിശ്വാസികൾ പറഞ്ഞു. വനം വകുപ്പിന്റെ ഭൂമിയല്ല, ഒരു വിശ്വാസി പള്ളിക്ക് നൽകിയ സ്ഥലത്താണ് കുരിശ് സ്ഥാപിച്ചതെന്നും അവർ വാദിച്ചു. കുരിശ് പൊളിച്ചുമാറ്റിയ നടപടി അംഗീകരിക്കില്ലെന്നും ഇടവക അംഗങ്ങൾ വ്യക്തമാക്കി.

വിശുദ്ധ വാരത്തിനുശേഷം വീണ്ടും കുരിശ് സ്ഥാപിക്കുമെന്നും വിശ്വാസികൾ അറിയിച്ചു. വനഭൂമിയിൽ അതിക്രമിച്ച് കയറിയതിന് നിയമനടപടി സ്വീകരിക്കുമെന്ന് കാളിയാർ റെയിഞ്ച് ഫോറസ്റ്റ് ഓഫീസർ മനു കെ നായർ വ്യക്തമാക്കി. കുരിശുമായി സമാധാനപരമായി പ്രാർത്ഥന നടത്തിയ ശേഷം വിശ്വാസികൾ പിരിഞ്ഞുപോയി.

ഭൂപതിവ് നിയമഭേദഗതി: ചട്ടരൂപീകരണത്തിൽ സർക്കാരിന് തടസ്സം

Story Highlights: Devotees in Idukki’s Thommankuth held prayers where a cross was demolished by the Forest Department.

വളർത്തുനായയെ ഉപദ്രവിച്ചു; ഉടമയ്ക്കെതിരെ കേസ്