Mother, 2 Daughters Found Dead in Kottayam River

**കോട്ടയം◾:** കോട്ടയം നീറിക്കാട് മീനച്ചിലാറ്റിൽ അമ്മയും രണ്ട് പെൺമക്കളും ചാടി മരിച്ചു. മുത്തോലി ഗ്രാമപഞ്ചായത്ത് മുൻ പ്രസിഡന്റും അഭിഭാഷകയുമായ ജിസ്മോൾ തോമസും അഞ്ചുവയസ്സുകാരി നേഹയും രണ്ടുവയസ്സുകാരി പൊന്നുവുമാണ് മരിച്ചത്. ചൊവ്വാഴ്ച ഉച്ചയ്ക്ക് ശേഷമാണ് ദാരുണ സംഭവം നടന്നത്. നീറിക്കാട് ഭാഗത്ത് മീൻ പിടിക്കുകയായിരുന്ന നാട്ടുകാരാണ് രണ്ട് കുട്ടികളെ ഒഴുകി വരുന്നത് ആദ്യം കണ്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുട്ടികളെ ഉടൻ തന്നെ കരയിലെത്തിച്ച് ആശുപത്രിയിലേക്ക് കൊണ്ടുപോയി. തുടർന്ന് നടത്തിയ തിരച്ചിലിൽ കുട്ടികളുടെ അമ്മയെയും പുഴയിൽ നിന്ന് കണ്ടെത്തി. കണ്ണമ്പുര കടവിന് സമീപത്ത് നിന്നും ജിസ്മോളുടേതെന്ന് കരുതുന്ന സ്കൂട്ടറും കണ്ടെടുത്തു. ആശുപത്രിയിൽ എത്തിച്ചെങ്കിലും ജിസ്മോളുടെയും മക്കളുടെയും ജീവൻ രക്ഷിക്കാനായില്ല.

നീറിക്കാട് സ്വദേശി ജിമ്മി ജോസഫാണ് ജിസ്മോളുടെ ഭർത്താവ്. കുടുംബ പ്രശ്നങ്ങളാണ് ആത്മഹത്യയ്ക്ക് പിന്നിലെന്ന് പ്രാഥമിക നിഗമനമുണ്ട്. എന്നാൽ, കുടുംബ പ്രശ്നങ്ങളൊന്നും ഇല്ലെന്നാണ് ബന്ധുക്കൾ പറയുന്നത്. സംഭവത്തിൽ അയർക്കുന്നം പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

മുത്തോലി സ്വദേശിയായ ജിസ്മോൾ കഴിഞ്ഞ തവണ പതിമൂന്നാം വാർഡിലെ പഞ്ചായത്ത് അംഗമായിരുന്നു. ഒരു വർഷക്കാലം പഞ്ചായത്ത് പ്രസിഡന്റായും പ്രവർത്തിച്ചിട്ടുണ്ട്. ഹൈക്കോടതിയിൽ അഭിഭാഷകയായിരുന്ന ജിസ്മോൾ നിലവിൽ പാല കോടതിയിലാണ് പ്രാക്ടീസ് ചെയ്തിരുന്നത്.

കടക്കൽ ക്ഷേത്രത്തിൽ ആർഎസ്എസ് ഗണഗീതം ആലപിച്ചതിനെതിരെ പരാതി

ഏറ്റുമാനൂരിൽ വീട്ടമ്മയും പെൺമക്കളും ട്രെയിനിനു മുന്നിൽ ചാടി ആത്മഹത്യ ചെയ്തിട്ട് ഒന്നരമാസം പിന്നിടുമ്പോഴാണ് കോട്ടയത്ത് സമാനമായ മറ്റൊരു ദാരുണ സംഭവം നടന്നിരിക്കുന്നത്. മീനച്ചിലാറ്റിൽ മീൻ പിടിക്കുന്നതിനിടെയാണ് ദാരുണമായ കാഴ്ച നാട്ടുകാർ കണ്ടത്.

ആത്മഹത്യ ഒന്നിനും പരിഹാരമല്ല. അതിജീവിക്കാന് ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് ‘ദിശ’ ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056

Story Highlights: A mother and her two daughters tragically drowned in the Meenachil River in Kottayam, Kerala.

മുനമ്പം സമരസമിതി പ്രധാനമന്ത്രിയുമായി കൂടിക്കാഴ്ച നടത്തും