7-Year-Old Boy Murdered in Thrissur, Sexual Assault Allegations on Suspect

തൃശ്ശൂർ◾: മാളയിൽ ഏഴു വയസ്സുകാരനെ കുളത്തിൽ തള്ളിയിട്ട് കൊലപ്പെടുത്തിയ കേസിൽ പ്രതി ജോജോയ്ക്കെതിരെ ലൈംഗികാതിക്രമ ആരോപണം ഉയർന്നു. കുട്ടിയെ ലൈംഗികമായി ഉപദ്രവിക്കാൻ ശ്രമിച്ചപ്പോൾ കുട്ടി പ്രതിരോധിച്ചുവെന്നും തുടർന്നാണ് കൊലപാതകമെന്നുമാണ് പ്രാഥമിക അന്വേഷണത്തിൽ വ്യക്തമായതെന്ന് തൃശ്ശൂർ റൂറൽ എസ്പി ബി.കൃഷ്ണകുമാർ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുഴൂർ സ്വർണ്ണപള്ളം റോഡിൽ മഞ്ഞളി അജീഷിന്റെ മകൻ ആബേലിനെയാണ് വീടിനു സമീപത്തെ കുളത്തിൽ മരിച്ച നിലയിൽ കണ്ടെത്തിയത്. താനിശ്ശേരി സെന്റ് സേവ്യേഴ്സ് സ്കൂളിലെ യുകെജി വിദ്യാർത്ഥിയായിരുന്നു ആബേൽ. വൈകീട്ട് ആറോടെയാണ് കുട്ടിയെ കാണാതായത്. തുടർന്ന് നടത്തിയ തെരച്ചിലിൽ കുളത്തിൽ മരിച്ച നിലയിൽ കണ്ടെത്തുകയായിരുന്നു.

ലൈംഗികമായി ഉപദ്രവിക്കാൻ ശ്രമിച്ച വിവരം മാതാപിതാക്കളോട് പറയുമെന്ന് കുട്ടി പറഞ്ഞതാണ് കൊലപാതകത്തിലേക്ക് നയിച്ചതെന്നാണ് പോലീസിന്റെ നിഗമനം. കുട്ടിക്കായുള്ള തെരച്ചിൽ വഴിതെറ്റിക്കാനും പ്രതി ശ്രമിച്ചിരുന്നു. നാട്ടുകാർക്കൊപ്പം ചേർന്ന് തെരച്ചിലിൽ പങ്കെടുത്ത പ്രതിയെ സംശയത്തിന്റെ പേരിൽ ചോദ്യം ചെയ്തപ്പോഴാണ് കൊലപാതക വിവരം പുറത്തറിഞ്ഞത്.

പ്രതി ജോജോ നേരത്തെ മോഷണക്കേസിൽ പ്രതിയായിരുന്നുവെന്നും അടുത്തിടെയാണ് ജാമ്യത്തിലിറങ്ങിയതെന്നും പോലീസ് അറിയിച്ചു. ക്രിമിനൽ പശ്ചാത്തലമുള്ള പ്രതിയുടെ ക്രൂരകൃത്യത്തിൽ നാട്ടുകാർ ഞെട്ടിയിരിക്കുകയാണ്. കൂടുതൽ അന്വേഷണം പുരോഗമിക്കുകയാണെന്നും പോലീസ് അറിയിച്ചു.

മുംബൈ ഭീകരാക്രമണക്കേസ്: തഹാവൂർ റാണയെ എൻഐഎ അറസ്റ്റ് ചെയ്തു

Story Highlights: A seven-year-old boy was found dead in a pond in Thrissur, Kerala, and the suspect, Jojo, is facing allegations of sexual assault.

മുൻ സർക്കാർ അഭിഭാഷകൻ പി. ജി. മനു തൂങ്ങിമരിച്ച നിലയിൽ