Kerala CPO Rank Holders Protest Demanding List Extension

**തിരുവനന്തപുരം◾:** വനിതാ സിവിൽ പൊലീസ് റാങ്ക് ലിസ്റ്റിന്റെ കാലാവധി നീട്ടണമെന്നാവശ്യപ്പെട്ട് ഉദ്യോഗാർത്ഥികൾ സെക്രട്ടേറിയറ്റ് പരിസരത്ത് നാല് ദിവസമായി നിരാഹാര സമരം തുടരുകയാണ്. റാങ്ക് ലിസ്റ്റിൽ ഉൾപ്പെട്ട 964 പേരിൽ 235 പേർക്ക് മാത്രമാണ് നിയമനം ലഭിച്ചതെന്നും ഏപ്രിൽ 19ന് കാലാവധി അവസാനിക്കുമെന്നും സമരക്കാർ ചൂണ്ടിക്കാട്ടുന്നു. സർക്കാർ ചർച്ചയ്ക്ക് തയ്യാറാകാത്തതിൽ പ്രതിഷേധിച്ച് ക്ഷയനപ്രദക്ഷിണവും നടത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സമരത്തിന്റെ നാലാം ദിവസമാണ് ഉദ്യോഗാർത്ഥികൾ ക്ഷയനപ്രദക്ഷിണത്തിലേക്ക് നീങ്ങിയത്. പൊലീസ് സേനയിലെ വനിതാ പ്രാതിനിധ്യം 15 ശതമാനമായി ഉയർത്തുമെന്ന മുഖ്യമന്ത്രിയുടെ നിയമസഭാ പ്രഖ്യാപനം നടപ്പാക്കണമെന്നും സമരക്കാർ ആവശ്യപ്പെടുന്നു. നിയമന കാലാവധി നീട്ടുക, നിയമനം വേഗത്തിലാക്കുക എന്നിവയാണ് സമരത്തിന്റെ പ്രധാന ആവശ്യങ്ങൾ.

ആശാ വർക്കേഴ്സിന്റെ സമരം: വിട്ടുവീഴ്ചയില്ലെന്ന് തൊഴിൽ മന്ത്രി

റാങ്ക് ലിസ്റ്റ് നിലവിൽ വന്ന് 11 മാസം പിന്നിട്ടിട്ടും നിയമനം വളരെ കുറവാണെന്നും സമരക്കാർ ആരോപിക്കുന്നു. നിയമനാനുപാതം പുരുഷന്മാർക്കും സ്ത്രീകൾക്കുമായി 9:1 എന്നാക്കി മാറ്റിയെന്നും ഇവർ ആരോപണം ഉന്നയിക്കുന്നു. സംസ്ഥാനത്തെ വിവിധ സ്റ്റേഷനുകളിലായി 570ലധികം വനിതാ സിവിൽ പൊലീസ് ഓഫീസർമാരുടെ ഒഴിവുകളുണ്ടെന്നും ഇവർ ചൂണ്ടിക്കാട്ടുന്നു.

Story Highlights: Civil police rank holders protest in Kerala demanding extension of the rank list and faster recruitment.

മുനമ്പം വിഷയത്തിൽ ബിജെപി സത്യത്തിനൊപ്പം: കെ. സുരേന്ദ്രൻ