VHP Activists Attack Priests in Jabalpur, Police Register Case

**ജബൽപൂർ (മധ്യപ്രദേശ്)◾:** ജബൽപൂരിൽ രണ്ട് വൈദികർക്ക് നേരെ വിഎച്ച്പി പ്രവർത്തകർ നടത്തിയ ആക്രമണത്തിൽ പോലീസ് കേസെടുത്തു. മാർച്ച് 31നാണ് ജബൽപൂർ കത്തോലിക്കാ രൂപതയുടെ വികാരി ജനറൽ ഫാദർ ഡേവിസ് ജോർജിനും ജബൽപൂർ രൂപത കോർപ്പറേഷൻ സെക്രട്ടറി ഫാദർ ജോർജ് തോമസിനും നേരെ ആക്രമണം ഉണ്ടായത്. റാഞ്ചി പൊലീസ് സ്റ്റേഷൻ വളപ്പിൽ വെച്ചായിരുന്നു വിഎച്ച്പി, ബജ്രംഗ്ദൾ പ്രവർത്തകർ ഇരുവരെയും മർദ്ദിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവത്തിൽ നാല് ദിവസങ്ങൾക്ക് ശേഷമാണ് പോലീസ് എഫ്ഐആർ രജിസ്റ്റർ ചെയ്തത്. മതപരിവർത്തനം ആരോപിച്ചായിരുന്നു ആക്രമണം എന്നാണ് റിപ്പോർട്ട്. ആദിവാസികളടക്കമുള്ള തീർത്ഥാടക സംഘത്തെയും പ്രവർത്തകർ മർദ്ദിച്ചിരുന്നു. വിവരമറിഞ്ഞ് സ്ഥലത്തെത്തിയ വൈദികർക്കും മർദ്ദനമേറ്റു.

ആക്രമണത്തിന്റെ വീഡിയോ ദൃശ്യങ്ങളിൽ നിന്ന് പ്രതികളെ തിരിച്ചറിഞ്ഞിട്ടുണ്ടെന്ന് പോലീസ് അറിയിച്ചു. ഭാരതീയ ന്യായ സംഹിത പ്രകാരമാണ് കേസ് രജിസ്റ്റർ ചെയ്തിരിക്കുന്നത്. കേസിൽ ഇതുവരെ ആരെയും അറസ്റ്റ് ചെയ്തിട്ടില്ല.

കേസിൽ ഉൾപ്പെടുത്തിയിരിക്കുന്ന വകുപ്പുകൾ പരിശോധിക്കേണ്ടതുണ്ടെന്ന് സിറ്റി പൊലീസ് സൂപ്രണ്ട് സതീഷ് കുമാർ സാഹു പറഞ്ഞു. നവരാത്രി ആഘോഷം കഴിയുന്നത് വരെ നടപടി എടുക്കില്ലെന്നായിരുന്നു നേരത്തെ പോലീസിന്റെ നിലപാട്. കേസിനെക്കുറിച്ചുള്ള കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല.

പത്തനംതിട്ടയിൽ ആൾതാമസമില്ലാത്ത ഷെഡ്ഡിൽ നിന്ന് പെരുമ്പാമ്പുകളെയും കുഞ്ഞുങ്ങളെയും കണ്ടെത്തി

Story Highlights: Two priests were attacked by VHP activists in Jabalpur, Madhya Pradesh.

ഒഡീഷയിൽ മലയാളി വൈദികന് പൊലീസ് മർദനം