9 kg cannabis seized, Assam native arrested in Ernakulam

എറണാകുളം: എറണാകുളത്ത് വിദ്യാർത്ഥികൾക്ക് കഞ്ചാവ് എത്തിച്ചുനൽകുന്ന സംഘത്തിലെ പ്രധാന കണ്ണിയെ പോലീസ് പിടികൂടി. അസം സ്വദേശിയായ റബിൻ മണ്ഡലാണ് അറസ്റ്റിലായത്. ഇയാളിൽ നിന്ന് 9 കിലോയിലധികം കഞ്ചാവ് പിടിച്ചെടുത്തു. ഭായി കോളനിയിൽ നിന്നാണ് റബിൻ മണ്ഡലിനെ പിടികൂടിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

താമസസ്ഥലത്ത് പ്ലാസ്റ്റിക് ചാക്കിൽ സൂക്ഷിച്ച നിലയിലായിരുന്നു കഞ്ചാവ്. വിദ്യാർത്ഥികൾക്ക് കഞ്ചാവ് എത്തിച്ചുനൽകുന്ന സംഘത്തിലെ മുഖ്യകണ്ണിയാണ് റബിൻ മണ്ഡൽ എന്നാണ് പോലീസിന്റെ പ്രാഥമിക നിഗമനം. മാർച്ച് 24 ന് സംസ്ഥാനവ്യാപകമായി നടത്തിയ ഓപ്പറേഷൻ ഡി-ഹണ്ടിന്റെ ഭാഗമായി മയക്കുമരുന്ന് വിൽപ്പനയിൽ ഏർപ്പെടുന്നതായി സംശയിക്കുന്ന 2,597 പേരെ പരിശോധനയ്ക്ക് വിധേയമാക്കി. വിവിധതരം നിരോധിത മയക്കുമരുന്നുകൾ കൈവശം വച്ചതിന് 162 കേസുകൾ രജിസ്റ്റർ ചെയ്തു.

167 പേരെ അറസ്റ്റ് ചെയ്തു. ഈ കേസുകളിൽ എംഡിഎംഎ (0. 224 ഗ്രാം), കഞ്ചാവ് (3. 181 കി.

ഗ്രാം), കഞ്ചാവ് ബീഡി (111 എണ്ണം) എന്നിവ പിടികൂടി. നിരോധിത മയക്കുമരുന്നുകളുടെ സംഭരണത്തിലും വിപണനത്തിലും ഏർപ്പെട്ടിരിക്കുന്നവരെ കണ്ടെത്തുന്നതിനാണ് ഓപ്പറേഷൻ ഡി- ഹണ്ട് നടത്തിയത്. കർശന നിയമനടപടികൾ സ്വീകരിക്കുമെന്ന് പോലീസ് അറിയിച്ചു. മയക്കുമരുന്ന് സംബന്ധിച്ച വിവരങ്ങൾ പൊതുജനങ്ങൾക്ക് പോലീസിന് നൽകാവുന്നതാണ്.

പാക് അധീന കശ്മീരിൽ സംഘർഷം; വെടിവെപ്പിൽ രണ്ട് മരണം, 22 പേർക്ക് പരിക്ക്

ഇതിനായി 24 മണിക്കൂറും പ്രവർത്തിക്കുന്ന ആന്റി നാർക്കോട്ടിക് കൺട്രോൾ റൂം (9497927797) സജ്ജമാക്കിയിട്ടുണ്ട്. വിവരങ്ങൾ നൽകുന്നവരുടെ വിവരങ്ങൾ രഹസ്യമായി സൂക്ഷിക്കുമെന്ന് പോലീസ് ഉറപ്പുനൽകി.

Story Highlights: Police arrested a man and seized over 9 kg of cannabis in Ernakulam.

35 കോടിയുടെ കൊക്കെയ്നുമായി ബോളിവുഡ് നടൻ പിടിയിൽ