Kozhikode Police Officer Booked for Threatening Woman

കോഴിക്കോട് നാദാപുരത്ത് യുവതിയെ കത്തി കാട്ടി ഭീഷണിപ്പെടുത്തിയ സംഭവത്തിൽ പോലീസ് ഉദ്യോഗസ്ഥനെതിരെ കേസെടുത്തു. നാദാപുരം കൺട്രോൾ റൂമിലെ ഉദ്യോഗസ്ഥനായ സ്മിതേഷിനെതിരെയാണ് വള്ളിക്കാട് സ്വദേശിനിയായ യുവതിയുടെ പരാതിയിൽ നടപടി സ്വീകരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുവതിയുടെ വീട്ടിൽ അതിക്രമിച്ച് കയറി കത്തി കാട്ടി ഭീഷണിപ്പെടുത്തിയെന്നാണ് പരാതിയിൽ പറയുന്നത്. യുവതിയും മകളും പുറത്ത് പോയി തിരിച്ചെത്തിയപ്പോഴാണ് സംഭവം.

വീട്ടിനുള്ളിൽ അതിക്രമിച്ച് കയറിയ സ്മിതേഷ് യുവതിയെ കത്തി കാട്ടി ഭീഷണിപ്പെടുത്തുകയായിരുന്നുവെന്ന് പരാതിയിൽ ആരോപിക്കുന്നു. മൊബൈൽ ഫോണിൽ തന്റെ നമ്പർ ബ്ലോക്ക് ചെയ്തതിന്റെ വൈരാഗ്യമാണ് ഈ ക്രൂരകൃത്യത്തിന് പിന്നിലെന്നും യുവതി പരാതിയിൽ വ്യക്തമാക്കി.

സംഭവം നടക്കുന്ന സമയത്ത് വീട്ടിൽ നിന്നും ബഹളം കേട്ട് നാട്ടുകാർ ഓടിക്കൂടി. തുടർന്ന് വടകര പോലീസിനെ വിവരമറിയിച്ചതിനെ തുടർന്ന് സ്മിതേഷിനെ പോലീസ് കസ്റ്റഡിയിലെടുത്തു.

സിഐയുമായി നേരത്തെ യുവതിക്ക് പരിചയമുണ്ടായിരുന്നുവെന്നും പരാതിയിൽ പറയുന്നു. ഇന്നലെ രാത്രിയിലായിരുന്നു സംഭവം.

പി.എം. ശ്രീയിൽ കേരളവും; സി.പി.ഐ.യുടെ എതിർപ്പ് മറികടന്ന് സർക്കാർ ധാരണാപത്രത്തിൽ ഒപ്പുവെച്ചു

Story Highlights: Police officer booked for threatening a woman with a knife in Kozhikode, Kerala.

കോട്ടയം കുറവിലങ്ങാട് ടൂറിസ്റ്റ് ബസ് അപകടം; ഒരാൾ മരിച്ചു