Father Beats Son, 11, for Lost Box in Kalamassery

കളമശ്ശേരിയിൽ ജോമട്രി ബോക്സ് കാണാതായതിനെ തുടർന്ന് പിതാവ് 11 വയസ്സുകാരനായ മകനെ ക്രൂരമായി മർദ്ദിച്ച സംഭവത്തിൽ പോലീസ് കേസെടുത്തു. കുട്ടിയുടെ കൈക്ക് ഗുരുതരമായി പൊട്ടലുണ്ടായതിനെ തുടർന്ന് ആശുപത്രിയിൽ പ്രവേശിപ്പിച്ചു. കുട്ടിയുടെ മൊഴിയുടെ അടിസ്ഥാനത്തിലാണ് കളമശ്ശേരി പോലീസ് പിതാവിനെതിരെ കേസെടുത്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജുവൈനല് ജസ്റ്റിസ് ആക്ട്, ബിഎന്സി വകുപ്പുകള് പ്രകാരമാണ് കേസെടുത്തിരിക്കുന്നത്. കഴിഞ്ഞ ദിവസമാണ് സംഭവം നടന്നത്. വീടിനു പുറത്ത് കിടന്ന കവുങ്ങിന്റെ കഷണം ഉപയോഗിച്ചാണ് പിതാവ് കുട്ടിയെ മർദ്ദിച്ചതെന്ന് പോലീസ് പറഞ്ഞു.

കുട്ടിയുടെ തല വെള്ളത്തിൽ മുക്കിപ്പിടിച്ചതായും എഫ്ഐആറിൽ പറയുന്നു. ബോക്സ് കാണുന്നില്ലെന്ന് കുട്ടി പറഞ്ഞയുടൻ പിതാവ് കുട്ടിയുടെ കൈയിലും കാലിലും വടികൊണ്ട് അടിച്ചു. മർദ്ദനത്തിന്റെ ആഘാതത്തിൽ കുട്ടിയുടെ കൈത്തണ്ട ഒടിഞ്ഞു.

തുടർന്ന് പിതാവ് തന്നെ കുട്ടിയെ ആശുപത്രിയിലെത്തിച്ചു. ആശുപത്രി അധികൃതർ സംഭവം പോലീസിൽ അറിയിച്ചു. പോലീസ് എത്തി കുട്ടിയുടെ മൊഴിയെടുത്തു.

പി.എം. ശ്രീയിൽ കേരളവും; സി.പി.ഐ.യുടെ എതിർപ്പ് മറികടന്ന് സർക്കാർ ധാരണാപത്രത്തിൽ ഒപ്പുവെച്ചു

കുട്ടി പറഞ്ഞ കാര്യങ്ങളുടെ അടിസ്ഥാനത്തിലാണ് പോലീസ് കേസെടുത്തത്.

Story Highlights: A father in Kalamassery brutally beat his 11-year-old son for losing his geometry box, resulting in a police case and the child’s hospitalization.

സംരംഭകത്വത്തിന് പുതിയ യൂണിവേഴ്സിറ്റിയുമായി കേരളം