Witnesses Recant in Cannabis Case Against Kerala MLA's Son

യു. പ്രതിഭ എംഎൽഎയുടെ മകൻ കനിവ് ഉൾപ്പെട്ട കഞ്ചാവ് കേസിൽ നിർണായക വഴിത്തിരിവ്. കേസിലെ രണ്ട് സാക്ഷികൾ മൊഴിമാറ്റിയതോടെ കനിവിനെതിരെയുള്ള കുറ്റപത്രത്തിൽ നിന്ന് ഒഴിവാക്കാൻ എക്സൈസ് തീരുമാനിച്ചു. ഡിസംബർ 28ന് തകഴിയിൽ വെച്ച് കനിവ് അടക്കം ഒമ്പത് പേരെ കഞ്ചാവ് കേസിൽ കുട്ടനാട് എക്സൈസ് സംഘം പിടികൂടിയിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, കഞ്ചാവ് ഉപയോഗം കണ്ടില്ലെന്ന് തകഴി സ്വദേശികളായ രണ്ട് സാക്ഷികൾ പിന്നീട് മൊഴി മാറ്റി. യു. പ്രതിഭയുടെ പരാതിയിൽ നടത്തിയ അന്വേഷണത്തിലാണ് ഈ വഴിത്തിരിവ്. എക്സൈസ് അസിസ്റ്റന്റ് കമ്മീഷണറുടെ മുമ്പാകെയാണ് സാക്ഷികൾ മൊഴി മാറ്റിയത്.

കേസിൽ എക്സൈസ് ഉദ്യോഗസ്ഥർക്ക് വീഴ്ച സംഭവിച്ചെന്നും അസിസ്റ്റന്റ് എക്സൈസ് കമ്മീഷണർ എസ്. അശോക് കുമാർ റിപ്പോർട്ട് നൽകിയിട്ടുണ്ട്. കുട്ടനാട് എക്സൈസ് സർക്കിൾ ഇൻസ്പെക്ടർ ജയരാജനെതിരെ നടപടിക്ക് സാധ്യതയുണ്ട്. തകഴി സ്വദേശികളായ അജിത്തും കുഞ്ഞുമോനുമാണ് കേസിലെ സുപ്രധാന സാക്ഷികളായിരുന്നത്.

എക്സൈസ് സംഘം കഞ്ചാവ് പിടിച്ചെടുത്തുവെന്ന് ഇവരിൽ നിന്നാണ് ആദ്യം മൊഴി രേഖപ്പെടുത്തിയത്. എംഎൽഎയുടെ മകൻ ഉൾപ്പെടെയുള്ളവർ കഞ്ചാവ് ഉപയോഗിക്കുന്നത് കണ്ടതായും ഇവർ മൊഴി നൽകിയിരുന്നു. എന്നാൽ, ഉദ്യോഗസ്ഥർ പറഞ്ഞതനുസരിച്ച് എന്താണെന്ന് അറിയാതെ ഒപ്പിട്ടു നൽകുകയായിരുന്നുവെന്നാണ് ഇപ്പോൾ ഇവരുടെ മൊഴി. കഞ്ചാവ് ഉപയോഗത്തിന് തെളിവില്ലെന്ന റിപ്പോർട്ടിന്റെ അടിസ്ഥാനത്തിലാണ് കനിവിനെ കുറ്റപത്രത്തിൽ നിന്ന് ഒഴിവാക്കുന്നത്.

സ്വർണവില കൂടി; ഒരു പവൻ സ്വർണത്തിന് 92,120 രൂപ

കേസിലെ ഒമ്പത് പ്രതികളിൽ കനിവിനെ മാത്രമാണ് ഒഴിവാക്കുക. അന്വേഷണ റിപ്പോർട്ട് എക്സൈസ് കമ്മീഷണർക്ക് കൈമാറിയിട്ടുണ്ട്. കോടതിയിൽ കുറ്റപത്രം സമർപ്പിക്കുമ്പോൾ കനിവിനെ പ്രതിപ്പട്ടികയിൽ നിന്ന് ഒഴിവാക്കുമെന്നാണ് എക്സൈസ് അറിയിച്ചിരിക്കുന്നത്.

Story Highlights: Two witnesses recanted their statements in the cannabis case against U. Pratibha’s son, leading to his exclusion from the chargesheet.

ആളിയാർ ഡാമിന് താഴെ തമിഴ്നാടിന്റെ പുതിയ ഡാം; നിയമനടപടിക്ക് ഒരുങ്ങി കേരളം