Venjaramoodu Murders: Accused's Father Visits Wife in Hospital

വെഞ്ഞാറമൂട് കൂട്ടക്കൊലക്കേസ് പ്രതിയായ അഫാന്റെ പിതാവ് റഹീം ദമാമിൽ നിന്ന് നാട്ടിലെത്തി ഭാര്യ ഷെമീനയെ ആശുപത്രിയിൽ സന്ദർശിച്ചു. കട്ടിലിൽ നിന്ന് വീണതാണ് തന്റെ അവസ്ഥയ്ക്ക് കാരണമെന്ന് ഷെമീന റഹീമിനോട് പറഞ്ഞു. അഫാന്റെ അക്രമത്തെക്കുറിച്ചോ കുടുംബാംഗങ്ങളുടെ മരണത്തെക്കുറിച്ചോ ഷെമീനയെ അറിയിച്ചിട്ടില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇളയമകൻ അഫ്സാനെയും അഫാനെയും കാണണമെന്ന് ഷെമീന ആവശ്യപ്പെട്ടതായി റഹീമിന്റെ സുഹൃത്ത് അബ്ദുൽ വെളിപ്പെടുത്തി. അഫ്സാൻ സഹോദരന്റെ വീട്ടിലാണെന്നും അഫാൻ ആശുപത്രിയിലാണെന്നുമാണ് റഹീം ഷെമീനയോട് പറഞ്ഞത്. ഷെമീനയെ കണ്ട ശേഷം റഹീം ആശുപത്രിയിൽ നിന്ന് ഇറങ്ങിപ്പോയി.

സാമൂഹ്യപ്രവർത്തകരുടെ ഇടപെടലിനെത്തുടർന്നാണ് റഹീമിന് നാട്ടിലേക്ക് മടങ്ങാൻ സാധിച്ചത്. ആശുപത്രിയിലെത്തിയ റഹീമിനെ ഷെമീന തിരിച്ചറിഞ്ഞതായും അബ്ദുൽ പറഞ്ഞു. കൊലപാതക പരമ്പരയിൽ അഫാന്റെയും കുടുംബത്തിന്റെയും സാമ്പത്തിക ഇടപാടുകൾ കേന്ദ്രീകരിച്ച് പൊലീസ് വിശദമായ അന്വേഷണം ആരംഭിച്ചിട്ടുണ്ട്.

പിതൃമാതാവ് സൽമാ ബീവിയെ കൊലപ്പെടുത്തിയ കേസിലാണ് നിലവിൽ അഫാനെ അറസ്റ്റ് ചെയ്തിരിക്കുന്നത്. മറ്റ് കൊലപാതകങ്ങളിലും അഫാന്റെ അറസ്റ്റ് ഉടൻ രേഖപ്പെടുത്തുമെന്ന് പൊലീസ് അറിയിച്ചു. കൊലപാതകങ്ങൾ നടന്ന ദിവസം അഫാൻ പണം നൽകിയത് ആർക്കെന്നും പൊലീസ് അന്വേഷിക്കുന്നുണ്ട്.

പാതിവില തട്ടിപ്പ് കേസ്: പ്രത്യേക സംഘത്തെ പിരിച്ചുവിട്ട് സർക്കാർ

ഷെമിയുടെ മൊഴിയെടുക്കാൻ പൊലീസ് ഇന്നലെ ശ്രമിച്ചെങ്കിലും സംസാരിക്കാൻ ബുദ്ധിമുട്ടായതിനാൽ നടന്നില്ല.

Story Highlights: Rahim, father of the Venjaramoodu multiple murder accused Afan, visited his wife Shemina at the hospital after arriving from Dammam.

ഓണക്കാലത്ത് മിൽമയ്ക്ക് റെക്കോർഡ് വില്പന; ഉത്രാട ദിനത്തിൽ വിറ്റത് 38.03 ലക്ഷം ലിറ്റർ പാല്