Venjaramoodu Murders: Family Dispute Suspected Motive

വെഞ്ഞാറമൂട്ടിലെ കൂട്ടക്കൊലയ്ക്ക് പിന്നിലെ കാരണം പ്രതി അഫാന് വിളിച്ചുകൊണ്ടുവന്ന പെണ്കുട്ടിയെ വീട്ടുകാര് അംഗീകരിക്കാത്തതാണെന്ന് സൂചന. അഫാന്റെ പിതാവിന്റെ സഹോദരനായ ലത്തീഫിനെയും ഭാര്യ ഷാഹിദയെയും കൊലപ്പെടുത്തിയത് വീട്ടുകാരില് നിന്ന് പ്രതീക്ഷിച്ച പിന്തുണ ലഭിക്കാത്തതുകൊണ്ടാണെന്നും സൂചനയുണ്ട്. പ്രതി ആദ്യം കൊലപ്പെടുത്തിയത് പിതാവിന്റെ മാതാവ് സല്മാ ബീവിയെയാണ്. അഫാന്റെ അമ്മ ഗുരുതര പരുക്കുകളോടെ ചികിത്സയിലാണ്. സ്വന്തം അനിയന്, മുത്തശ്ശി, പിതാവിന്റെ സഹോദരന്, ഭാര്യ, പെണ്സുഹൃത്ത് എന്നിവരെയാണ് അഫാന് കൊലപ്പെടുത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രണ്ട് ദിവസം മുന്പാണ് അഫാന് ഫര്സാനയെ വീട്ടിലേക്ക് കൊണ്ടുവന്നത്. വെഞ്ഞാറമൂട് സ്വദേശിനിയായ ഫര്സാനയും അഫാനുമായി കുറച്ചുകാലമായി പ്രണയത്തിലായിരുന്നു. ഫര്സാന പിജി വിദ്യാര്ത്ഥിനിയായിരുന്നു. എന്നാല്, പിതാവിന്റെ മാതാവ് ഉള്പ്പെടെയുള്ളവര് ഈ ബന്ധത്തെ എതിര്ത്തുവെന്ന് നാട്ടുകാര് പറയുന്നു. അഫാന്റെ വീട്ടിലെ ഏത് കാര്യത്തിനും സഹകരിക്കുന്നവരായിരുന്നു ലത്തീഫും ഷാഹിദയും.

ഫര്സാനയുടെ നെറ്റിയില് വലിയ ദ്വാരമെന്ന് തോന്നിക്കുന്ന മുറിവുണ്ടെന്ന് ജനപ്രതിനിധികള് പറയുന്നു. ചുറ്റിക കൊണ്ട് നിരവധി തവണ അടിച്ചതിനാലാകാം ഈ മുറിവെന്നും അവര് അറിയിച്ചു. പ്രതി ലഹരിക്ക് അടിമയാണെന്നും പൊലീസ് അറിയിച്ചു. കൊലപാതകത്തിന് ശേഷം എലിവിഷം കഴിച്ചെന്ന് പ്രതി പറഞ്ഞതിനെ തുടര്ന്ന് ആശുപത്രിയില് പ്രവേശിപ്പിച്ചു. അഫാന്റെ സഹോദരന് ഒന്പതാം ക്ലാസ് വിദ്യാര്ത്ഥിയായിരുന്നു.

അതിരപ്പിള്ളിയിൽ കാട്ടാന ആക്രമണം: യുവാവ് മരിച്ചു

തന്റെ ബിസിനസ് പൊളിഞ്ഞെന്നും സാമ്പത്തിക ബുദ്ധിമുട്ടുകളുണ്ടെന്നും പ്രതി പൊലീസിനോട് പറഞ്ഞിരുന്നു. എന്നാല്, ഇത് പ്രതിയുടെ പിതാവും നാട്ടുകാരും തള്ളിക്കളഞ്ഞു. ഈ കുടുംബത്തിന് യാതൊരു സാമ്പത്തിക ബുദ്ധിമുട്ടുമില്ലെന്ന് അയല്വാസികളും ബന്ധുക്കളും പറയുന്നു. അഫാന് പിതാവിനൊപ്പം വിദേശത്തായിരുന്നു. വിസിറ്റിംഗ് വിസയില് നാട്ടില് വന്ന ശേഷമാണ് പെണ്കുട്ടിയെ വിളിച്ചുകൊണ്ടുവന്നത്.

അഫാന്റെ അമ്മ കാന്സര് ബാധിതയായിരുന്നു.

Story Highlights: A 23-year-old man killed five family members and his girlfriend in Venjaramoodu, Kerala, allegedly due to family disapproval of the relationship.

പേടിഎം തട്ടിപ്പ്: കൂടുതൽ പരാതിക്കാർ രംഗത്ത്