Two Arrested in Kundara Rail Sabotage Attempt Case

കൊല്ലം കുണ്ടറയിൽ റെയിൽവേ ട്രാക്കിൽ കണ്ടെത്തിയ ടെലിഫോൺ പോസ്റ്റ് അട്ടിമറി ശ്രമമാണെന്ന് എഫ്ഐആർ വ്യക്തമാക്കുന്നു. പെരുമ്പുഴ സ്വദേശി അരുണും കുണ്ടറ സ്വദേശി രാജേഷുമാണ് കേസിലെ പ്രതികൾ. മദ്യലഹരിയിലായിരുന്നുവെന്ന പ്രതികളുടെ വാദം പോലീസ് തള്ളിക്കളഞ്ഞു. കുണ്ടറ ആറുമുറിക്കട പഴയ ഫയർ സ്റ്റേഷന് സമീപത്തുള്ള റെയിൽവേ പാളത്തിലാണ് ടെലിഫോൺ പോസ്റ്റ് കണ്ടെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രതികളെ റെയിൽവേ ട്രാക്കിൽ എത്തിച്ച് അന്വേഷണ സംഘം തെളിവെടുപ്പ് നടത്തി. പുലർച്ചെ രണ്ട് മണിയോടെ പ്രദേശവാസികളാണ് റെയിൽവേ ട്രാക്കിൽ ടെലിഫോൺ പോസ്റ്റ് ആദ്യം കണ്ടത്. എഴുകോൺ പോലീസ് വിവരമറിഞ്ഞ് സ്ഥലത്തെത്തി പോസ്റ്റ് നീക്കം ചെയ്തു. എന്നാൽ, മൂന്ന് മണിയോടെ വീണ്ടും പോസ്റ്റ് റെയിൽവേ ട്രാക്കിൽ പ്രത്യക്ഷപ്പെട്ടു.

പോലീസ് വീണ്ടും സ്ഥലത്തെത്തി പോസ്റ്റ് നീക്കം ചെയ്തു. വൻ അപകടം തലനാരിഴയ്ക്ക് ഒഴിവായതായി പോലീസ് വ്യക്തമാക്കി. കാസ്റ്റ് അയൺ എടുക്കാൻ വേണ്ടിയാണ് ടെലിഫോൺ പോസ്റ്റ് എടുത്തതെന്നാണ് പ്രതികളുടെ മൊഴി. ടെലിഫോൺ പോസ്റ്റിൽ നിന്ന് കാസ്റ്റ് അയൺ വേർപെടുത്താൻ ശ്രമിക്കുന്നതിനിടെയാണ് റെയിൽ ട്രാക്കിൽ കൊണ്ടുവെച്ചതെന്നും പ്രതികൾ പറഞ്ഞു.

ജി. സുധാകരനെ വീട്ടിലെത്തി സന്ദർശിച്ച് എം.എ. ബേബി; കൂടിക്കാഴ്ച 40 മിനിറ്റ്

കാസ്റ്റ് അയൺ അടിച്ചുപൊട്ടിക്കാൻ ശ്രമിച്ചെങ്കിലും നടന്നില്ലെന്നും തുടർന്ന് പോസ്റ്റ് ഉപേക്ഷിച്ചുപോയെന്നുമാണ് പ്രതികൾ പോലീസിന് നൽകിയ മൊഴി. പ്രതികളെ ഇന്ന് റെയിൽവേ പൊലീസിന് കൈമാറിയേക്കും. നിരവധി ക്രിമിനൽ കേസുകളിൽ പ്രതികളായ അരുണും രാജേഷും എൻഐഎയുടെ ചോദ്യം ചെയ്യലിനും വിധേയരായി. പ്രതികളുടെ മൊഴിയിലെ വൈരുദ്ധ്യങ്ങൾ പരിശോധിക്കുകയും കൂടുതൽ തെളിവുകൾ ശേഖരിക്കുകയും ചെയ്യുമെന്ന് പോലീസ് അറിയിച്ചു.

സിസിടിവി ദൃശ്യങ്ങളുടെ അടിസ്ഥാനത്തിലാണ് പ്രതികളെ പിടികൂടിയത്. പെരുമ്പുഴ സ്വദേശി അരുൺ നേരത്തെ പോലീസിനെ അക്രമിച്ച കേസിലും പ്രതിയാണ്.

Story Highlights: Two individuals were arrested for placing a telephone pole on railway tracks in Kundara, Kollam, in a suspected act of sabotage.

അടിമാലി മണ്ണിടിച്ചിൽ: അപകടകാരണം ദേശീയപാത നിർമ്മാണം തന്നെയെന്ന് നാട്ടുകാർ