തൃശ്ശൂർ: ബക്രീദിനു ശേഷം കടകൾ തുറക്കുന്നതിൽ ഇളവ് നൽകണമെന്ന ആവശ്യം സർക്കാർ നിരാകരിച്ചതിനെത്തുടർന്ന് വീണ്ടും സമരരംഗത്തേക്ക് വ്യാപാരി വ്യവസായി ഏകോപന സമിതി.
തൃശ്ശൂരിൽ ചേർന്ന സംസ്ഥാനസമിതി യോഗത്തിൽ ഓഗസ്റ്റ് രണ്ടുമുതൽ സെക്രട്ടേറിയറ്റിനു മുന്നിൽ ധർണ നടത്താനും ഓഗസ്റ്റ് ഒമ്പതുമുതൽ സംസ്ഥാന വ്യാപകമായി എല്ലാ കടയും തുറക്കാനും ധാരണയായി.
ഏകോപന സമിതി സംസ്ഥാന പ്രസിഡന്റ് ടി. നസറുദ്ദീൻ വ്യാപാരികൾ ആത്മഹത്യയുടെ വക്കിലാണെന്ന് പറഞ്ഞു. ലോക്ഡൗൺ നിയന്ത്രണങ്ങളിൽ മാറ്റം വരുത്തണം. നേരത്തേ ഇക്കാര്യത്തിൽ മുഖ്യമന്ത്രിയുടെ വാക്ക് വിശ്വസിച്ചാണ് കടകൾ തുറക്കാനുള്ള തീരുമാനത്തിൽനിന്നും പിന്നോട്ടുപോയിരുന്നത്.
പക്ഷെ,മുഖ്യമന്ത്രി വാക്കുപാലിച്ചില്ല. കടകൾ തുറക്കുമ്പോൾ പോലീസിനെ ഉപയോഗിച്ച് നേരിടുകയാണെങ്കിൽ മരണംവരെ സംസ്ഥാന നേതാക്കൾ അടക്കമുള്ളവർ നിരാഹാരസമരം നടത്തുമെന്നും നസറുദ്ദീൻ പറഞ്ഞു.
Story highlight : Merchants associations said that all the shops will be open from August 9.
