Man Dies by Self-Immolation at Ex-Girlfriend's House in Thrissur

കണ്ണാറ സ്വദേശിയായ 23കാരൻ പ്രണയനൈരാശ്യത്തെത്തുടർന്ന് പെൺകുട്ടിയുടെ വീട്ടിൽ തീകൊളുത്തി മരിച്ചു. ഒലിയാനിക്കൽ വീട്ടിൽ അർജുൻ ലാൽ എന്നാണ് മരിച്ച യുവാവിന്റെ പേര്. തൃശ്ശൂർ കുട്ടനെല്ലൂരിലെ പെൺകുട്ടിയുടെ വീട്ടിലാണ് ദാരുണ സംഭവം അരങ്ങേറിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുവാവും പെൺകുട്ടിയും ഒരേ സ്കൂളിൽ പഠിച്ചവരായിരുന്നുവെന്നും പൊലീസ് പറയുന്നു. കഴിഞ്ഞ ഒരു വർഷമായി ഇരുവരും തമ്മിൽ ബന്ധമൊന്നുമില്ലായിരുന്നു. പെൺകുട്ടിയുടെ ഫോട്ടോ സമൂഹമാധ്യമങ്ങളിൽ പങ്കുവെച്ചതിനെച്ചൊല്ലിയുള്ള തർക്കമാണ് ദുരന്തത്തിലേക്ക് നയിച്ചതെന്ന് പൊലീസ് സംശയിക്കുന്നു.

സംഭവത്തെത്തുടർന്ന് യുവാവ് പെൺകുട്ടിയുടെ വീട്ടിലെത്തി ഭീഷണി മുഴക്കിയിരുന്നു. തുടർന്ന് വീടിന്റെ ജനൽച്ചില്ലുകൾ എറിഞ്ഞുടച്ച് ദേഹത്ത് പെട്രോൾ ഒഴിച്ച് തീകൊളുത്തുകയായിരുന്നു. ഇന്നലെ രാത്രി 11 മണിയോടെയാണ് സംഭവം നടന്നത്.

ഒല്ലൂർ പൊലീസ് വിവരമറിഞ്ഞെത്തി യുവാവിനെ ഉടൻ തന്നെ തൃശ്ശൂരിലെ സ്വകാര്യ ആശുപത്രിയിൽ എത്തിച്ചു. എന്നാൽ ഇന്ന് പുലർച്ചെയോടെ യുവാവ് മരണത്തിന് കീഴടങ്ങി. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

ജി. സുധാകരനെ വീട്ടിലെത്തി സന്ദർശിച്ച് എം.എ. ബേബി; കൂടിക്കാഴ്ച 40 മിനിറ്റ്

Story Highlights: A 23-year-old man from Kannara died by self-immolation at his former girlfriend’s house in Kuttanellur, Thrissur, after a dispute over a social media post.

അടിമാലി മണ്ണിടിച്ചിൽ: അപകടകാരണം ദേശീയപാത നിർമ്മാണം തന്നെയെന്ന് നാട്ടുകാർ