Man Arrested for Raping, Impregnating Minor in Kerala

പതിനഞ്ചുകാരിയെ വിവാഹവാഗ്ദാനം നൽകി വീട്ടിൽ അതിക്രമിച്ച് കയറി പീഡിപ്പിച്ച് ഗർഭിണിയാക്കിയ കേസിൽ യുവാവ് അറസ്റ്റിലായി. കൊല്ലമുള ചാത്തന്തറ കുറുമ്പന്മൂഴി പുല്ലുപാറക്കൽ ജിത്തു പ്രകാശ് (19) ആണ് വെച്ചൂച്ചിറ പൊലീസിന്റെ പിടിയിലായത്. 2024 സെപ്റ്റംബർ 22ന് പകൽ 10 മണിയോടെയാണ് കുട്ടിയുടെ വീട്ടിലെ കിടപ്പുമുറിയിൽ വച്ച് ആദ്യം പീഡനം നടന്നത്. പിന്നീട് ഒക്ടോബറിലും പെൺകുട്ടി ബലാത്സംഗത്തിന് ഇരയായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പെൺകുട്ടി ഗർഭിണിയായതോടെയാണ് സംഭവം പുറംലോകമറിയുന്നത്. വെച്ചൂച്ചിറ പൊലീസിന് വിവരം ലഭിച്ചതിനെ തുടർന്ന് കുട്ടിയുടെ മൊഴിയെടുക്കാൻ ശ്രമിച്ചെങ്കിലും ആദ്യം വിസമ്മതിച്ചു. തുടർന്ന് കൗൺസിലിങ്ങിന് വിധേയയാക്കിയ ശേഷമാണ് മൊഴി രേഖപ്പെടുത്താൻ സാധിച്ചത്. ശിശുസൗഹൃദ ഇടത്തിൽ വച്ചാണ് വിശദമായ മൊഴിയെടുത്തത്.

ജില്ലാ പൊലീസ് മേധാവി വിജി വിനോദ് കുമാറിന്റെ നിർദേശപ്രകാരം അന്വേഷണം ഊർജിതമാക്കിയ പോലീസ് പ്രതിയെ അറസ്റ്റ് ചെയ്തു. കുറുമ്പന്മൂഴിയിൽ നിന്ന് കസ്റ്റഡിയിലെടുത്ത പ്രതിയെ സ്റ്റേഷനിലെത്തിച്ച് ചോദ്യം ചെയ്തപ്പോൾ കുറ്റം സമ്മതിച്ചു. തുടർന്ന് അറസ്റ്റ് രേഖപ്പെടുത്തി. കുട്ടിയുടെ വൈദ്യപരിശോധന ഉൾപ്പെടെയുള്ള പ്രാഥമിക നടപടികൾ പൂർത്തിയാക്കി.

സംസ്ഥാന വികസനത്തിന് കിഫ്ബി സഹായകമായി; മുഖ്യമന്ത്രി പിണറായി വിജയൻ

കോടതിയിൽ മൊഴി രേഖപ്പെടുത്തുന്നതിനുള്ള നടപടിയും പൊലീസ് സ്വീകരിച്ചു. പ്രതിയെയും വൈദ്യപരിശോധനയ്ക്ക് വിധേയനാക്കി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. വെച്ചൂച്ചിറ പൊലീസ് ഇൻസ്പെക്ടർ എംആർ സുരേഷിന്റെ നേതൃത്വത്തിലാണ് അന്വേഷണം പുരോഗമിക്കുന്നത്.

എസ്ഐ വിപി സുഭാഷ്, എഎസ്ഐ അൻസാരി, എസ്സിപിഒമാരായ പികെ ലാൽ, നെൽസൺ, സിപിഒ അഞ്ജന എന്നിവരും അന്വേഷണ സംഘത്തിലുണ്ട്. വിവാഹ വാഗ്ദാനം നൽകി പെൺകുട്ടിയെ പീഡിപ്പിച്ച പ്രതിയെ മണിക്കൂറുകൾക്കുള്ളിൽ പിടികൂടിയതിൽ പോലീസിന് അഭിനന്ദന പ്രവാഹം. കുട്ടിയുടെ മൊഴിയെടുക്കാൻ കൗൺസിലിങ് സഹായകരമായി.

Story Highlights: A 19-year-old man was arrested for allegedly raping and impregnating a 15-year-old girl after promising marriage in Kerala.

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്