RRT Member Injured in Wayanad Tiger Search Operation

വയനാട്ടിലെ പഞ്ചാരക്കൊല്ലിയിൽ കടുവയ്ക്കായുള്ള തിരച്ചിലിനിടെ റാപ്പിഡ് റെസ്പോൺസ് ടീം (ആർആർടി) അംഗത്തിന് പരിക്കേറ്റതായി വനം മന്ത്രി എ. കെ. ശശീന്ദ്രൻ സ്ഥിരീകരിച്ചു. മാനന്തവാടിയിലെ ആർആർടി അംഗം ജയസൂര്യയ്ക്കാണ് കടുവയുടെ ആക്രമണത്തിൽ പരിക്കേറ്റത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരിക്കേറ്റ ജയസൂര്യയെ മാനന്തവാടി മെഡിക്കൽ കോളേജ് ആശുപത്രിയിലേക്ക് മാറ്റുമെന്നും മന്ത്രി അറിയിച്ചു. ആക്രമണം നടത്തിയത് കടുവയാണെന്ന് മന്ത്രി ഒ. ആർ. കേളു സ്ഥിരീകരിച്ചു.

കടുവ ചാടിവീണ് ആക്രമിക്കുകയായിരുന്നുവെന്ന് മന്ത്രി ഒ. ആർ. കേളു പറഞ്ഞു. രാധ കൊല്ലപ്പെട്ട പ്രദേശത്തിന് സമീപത്താണ് ആർആർടി അംഗത്തിന് നേരെ കടുവ ആക്രമണം ഉണ്ടായത്.

വനത്തിനുള്ളിൽ വെച്ചാണ് ആക്രമണം നടന്നതെന്നും പരിക്കേറ്റ ആളെ പുറത്തേക്ക് കൊണ്ടുവരാനുള്ള ശ്രമങ്ങൾ പുരോഗമിക്കുകയാണെന്നും അധികൃതർ അറിയിച്ചു. 20 അംഗ ആർആർടിയും എട്ട് പേരടങ്ങുന്ന എട്ട് സംഘങ്ങളുമായി ഇന്ന് കടുവയ്ക്കായുള്ള തിരച്ചിൽ ആരംഭിച്ചിരുന്നു. കടുവയെ കണ്ടെത്തിയതിനെ തുടർന്നാണ് പ്രദേശത്ത് തിരച്ചിൽ നടത്തിയത്. സംഘങ്ങളായുള്ള തിരച്ചിലിനിടെയാണ് ജയസൂര്യയ്ക്ക് നേരെ കടുവ ആക്രമണം ഉണ്ടായത്.

പരിക്കേറ്റ ജയസൂര്യയുടെ ആരോഗ്യനില സംബന്ധിച്ച വിവരങ്ങൾ ലഭ്യമായിട്ടില്ല. പഞ്ചാരക്കൊല്ലിയിലെയും പരിസര പ്രദേശങ്ങളിലെയും ജനങ്ങൾ ജാഗ്രത പാലിക്കണമെന്ന് പോലീസ് നിർദേശം നൽകിയിട്ടുണ്ട്. കടുവാ ദൗത്യത്തിനിടെയാണ് അപ്രതീക്ഷിതമായി ആർആർടി അംഗത്തിന് നേരെ കടുവ ആക്രമണം ഉണ്ടായത്. വനംവകുപ്പ് ഉദ്യോഗസ്ഥരും പോലീസും സ്ഥലത്തെത്തിയിട്ടുണ്ട്.

Story Highlights: RRT member injured during tiger search operation in Wayanad.

സ്വർണവിലയിൽ ഇടിവ്; പവന് 400 രൂപ കുറഞ്ഞു