ഉത്തരക്കടലാസുകൾ കാണാതായതു സംബന്ധിച്ചു വിവാദം ശ്രീശങ്കരാചാര്യ സംസ്കൃത സർവകലാശാലയിൽ നടക്കവെ സർവകലാശാല മുഖ്യ കേന്ദ്രത്തിലെ പരീക്ഷാ വിഭാഗം ഡപ്യൂട്ടി റജിസ്ട്രാറുടെ ഓഫിസിനു സമീപമുള്ള കാബിനിലെ അലമാരയിൽ നിന്നും അവ കണ്ടുകിട്ടി.
കാണാതായത് എംഎ സംസ്കൃത സാഹിത്യ ബിരുദാനന്തര ബിരുദ പരീക്ഷയുടെ 62 വിദ്യാർഥികളുടെ 276 ഉത്തരക്കടലാസുകളാണ്. അതേസമയം, അധികൃതർ ഉത്തരക്കടലാസുകൾ തിരികെ കിട്ടിയത് ഔദ്യോഗികമായി സ്ഥിരീകരിച്ചിട്ടില്ല.
വൈസ് ചാൻസലർ ഡോ.ധർമരാജ് അടാട്ട് കേസുള്ളതിനാൽ പൊലീസെത്തി പരിശോധന നടത്തണമെന്നു പറഞ്ഞു.വിരലടയാള വിദഗ്ധരും ഡോഗ് സ്ക്വാഡും ഉൾപ്പെടെയുള്ള അന്വേഷണങ്ങൾ ആയിരിക്കും നടക്കുക.ഉത്തരക്കടലാസുകൾ കണ്ടെടുത്ത അലമാര പൂട്ടി സീൽ ചെയ്തു.
മൂല്യനിർണയ കമ്മിറ്റി ചെയർമാൻ ഡോ.കെ.എം.സംഗമേശനെ സർവകലാശാല ഉത്തരക്കടലാസുകൾ കാണാതായതിനെ തുടർന്ന് സസ്പെൻഡ് ചെയ്തിരുന്നു. പൊലീസ് മോഷണക്കുറ്റത്തിനാണ് സർവകലാശാല നൽകിയ പരാതിയിൽ കേസെടുത്തിരിക്കുന്നത്.
Story highlight : Sanskrit University Missing Answer Papers ‘Appeared’.
