കൊച്ചിയിൽ രണ്ടു സ്ഥലങ്ങളിലായി ചേർന്ന് ഐഎൻഎൽ സംസ്ഥാന കമ്മിറ്റി യോഗത്തിൽ കൂട്ടത്തല്ല് നടന്നു. അഹമദ് ദേവർ കോവിൽ മന്ത്രിയുടെ പ്രവർത്തകർ തെരുവിൽ ഏറ്റുമുട്ടൽ നടത്തി.
പ്രസിഡണ്ട് കെ പി അബ്ദുൽ വഹാബിന്റെ നേതൃത്വത്തിൽ ചേർന്ന യോഗത്തിൽ കാസിം ഇരിക്കൂറിനെ ജനറൽ സെക്രട്ടറി സ്ഥാനത്ത് നിന്നും മാറ്റാൻ തീരുമാനിച്ചു.
അതേസമയം കെ പി അബ്ദുൽ വഹാബിനെ പ്രസിഡന്റ് സ്ഥലത്തുനിന്ന് മാറ്റാനായി ദേശീയ നേതൃത്വം തീരുമാനിച്ചു. വർക്കിംഗ് പ്രസിഡണ്ട് ചുമതല ബി ഹംസ ഹാജിയ്ക്ക് നൽകി.
യോഗം പിരിച്ചു വിട്ടതിനു ശേഷം മന്ത്രി അഹമ്മദ് ദേവർകോവിലും സെക്രട്ടറി കാസിം ഇരിക്കൂറും തന്നിഷ്ടപ്രകാരം കാര്യങ്ങൾ ചെയ്യുന്നതായി പ്രസിഡന്റ് അബ്ദുൽ വഹാബ് മാധ്യമങ്ങളോട് തുറന്നടിച്ചു. തുടർന്നാണ് ഇരു പാർട്ടിയുടെയും പ്രവർത്തകർ തമ്മിൽ വാക്കേറ്റവും കയ്യാങ്കളിയും നടന്നത്. ഒടുവിൽ പോലീസിനെ ഇറക്കിയാണ് സംഭവസ്ഥലം ശാന്തമാക്കിയത്.
Story Highlights: INL Split in kochi.
