Iranian acquitted in India's largest meth bust

2023 മെയ് 13-ന് നാവികസേനയുടെ സഹായത്തോടെ നാർകോട്ടിക്സ് കൺട്രോൾ ബ്യൂറോ നടത്തിയ റെയ്ഡിൽ 15000 കോടി രൂപ വിലമതിക്കുന്ന 2500 കിലോയിലധികം മെത്താംഫെറ്റമിൻ പിടികൂടിയിരുന്നു. ഈ കേസിലെ പ്രതിയായ ഇറാൻ പൗരൻ സുബൈറിനെ തെളിവുകളുടെ അഭാവത്തിൽ എറണാകുളം ജില്ലാ കോടതി വെറുതെ വിട്ടു. മറ്റു കേസുകളിൽ ഉൾപ്പെട്ടിട്ടില്ലെങ്കിൽ സുബൈറിനെ തിരിച്ചയക്കാൻ ജയിൽ സൂപ്രണ്ടിനോട് കോടതി നിർദേശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചബഹാർ തുറമുഖത്ത് നിന്ന് മാലദ്വീപിലേക്ക് പോകുകയായിരുന്ന കപ്പലിൽ നിന്നാണ് മയക്കുമരുന്ന് പിടികൂടിയത്. സുബൈർ പാക്കിസ്ഥാൻ പൗരനാണെന്നായിരുന്നു അന്വേഷണ സംഘത്തിന്റെ പ്രാഥമിക നിഗമനം. എന്നാൽ, പിന്നീട് ഇയാൾ ഇറാൻ പൗരനാണെന്ന് സ്ഥിരീകരിക്കുകയായിരുന്നു.

ഈ വീഴ്ചയും മതിയായ തെളിവുകൾ ശേഖരിക്കാൻ കഴിയാത്തതും പ്രതിയെ വെറുതെ വിടാൻ കാരണമായി. കേന്ദ്ര അന്വേഷണ ഏജൻസികൾക്ക് ഈ വിധി ഒരു തിരിച്ചടിയാണ്. രാജ്യത്തെ ഏറ്റവും വലിയ മെത്താംഫെറ്റമിൻ വേട്ട എന്നാണ് ഈ കേസ് അറിയപ്പെടുന്നത്.

അതേസമയം, ലക്ഷദ്വീപ് തീരത്ത് നിന്ന് 1526 കോടിയുടെ ഹെറോയിൻ പിടിച്ച കേസിലെ 24 പ്രതികളെയും എറണാകുളം ജില്ലാ സെഷൻസ് കോടതി വെറുതെ വിട്ടു. 2022-ൽ രണ്ട് ബോട്ടുകളിൽ നിന്നായി 218 കിലോ ഹെറോയിൻ ഡിആർഐയും കോസ്റ്റ് ഗാർഡും പിടിച്ചെടുത്തിരുന്നു. ഈ കേസിലും തെളിവുകളുടെ അഭാവമാണ് പ്രതികളെ വെറുതെ വിടാൻ കാരണമായത്.

സ്വർണവില ചരിത്രത്തിലെ ഏറ്റവും ഉയർന്ന നിരക്കിൽ

മലയാളികൾക്ക് പുറമേ ശ്രീലങ്ക, ലക്ഷദ്വീപ് സ്വദേശികളും ഈ കേസിലെ പ്രതികളുടെ കൂട്ടത്തിലുണ്ടായിരുന്നു. രണ്ട് വ്യത്യസ്ത മയക്കുമരുന്ന് കേസുകളിലെ പ്രതികളെ തെളിവുകളുടെ അഭാവത്തിൽ വെറുതെ വിട്ടത് അന്വേഷണ ഏജൻസികൾക്ക് തിരിച്ചടിയായി.

Story Highlights: An Iranian citizen, accused in India’s largest methamphetamine seizure, was acquitted due to lack of evidence.

ഓപ്പറേഷൻ ഡി-ഹണ്ട്: 196 പേർ അറസ്റ്റിൽ