പീഡന പരാതി ഒതുക്കി തീർക്കാൻ ശ്രമിച്ചു; മന്ത്രി വിവാദത്തിൽ

മന്ത്രി എ.കെ ശശീന്ദ്രൻ പീഡന പരാതി ഒത്തുതീർക്കാൻ ശ്രമിച്ചെന്ന് ആരോപണം. പരാതിക്കാരിയായ യുവതിയുടെ പിതാവിനോട് പരാതി നല്ല രീതിയിൽ ഒതുക്കി തീർക്കണമെന്ന് മന്ത്രി ആവശ്യപ്പെടുന്ന ശബ്ദസന്ദേശം പുറത്തുവന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എൻസിപി സംസ്ഥാന നിർവാഹക അംഗമായ ജെ. പത്മാകാരന് എതിരെയാണ് യുവതി പീഡന പരാതി നൽകിയത്. പരാതിക്കാരിയുടെ പിതാവിന് വന്ന ഫോൺകോളിൽ താൻ എ.കെ ശശീന്ദ്രൻ ആണെന്ന് മന്ത്രി സ്വയം പരിചയപ്പെടുത്തുകയും ചെയ്യുന്നുണ്ട്. തന്റെ മകളെ പീഡിപ്പിക്കാൻ ശ്രമിച്ച കേസാണ് മന്ത്രി ഒത്തുതീർപ്പാക്കാൻ ശ്രമിക്കുന്നതെന്ന് പറഞ്ഞപ്പോൾ നല്ലരീതിയിൽ തീർക്കണം എന്നായിരുന്നു മന്ത്രിയുടെ മറുപടി.

നല്ല രീതി എന്നതുകൊണ്ട് മന്ത്രി എന്താണ് ഉദ്ദേശിക്കുന്നതെന്ന് പരാതിക്കാരിയുടെ പിതാവ് ചോദിച്ചെങ്കിലും ഉത്തരം നൽകാതെ ഒഴിഞ്ഞുമാറുകയായിരുന്നു. ഇതേതുടർന്ന് വിഷയം വൻ വിവാദമായി മാറുകയാണ്. എന്നാൽ സ്ത്രീ പീഡനമാണ് വിഷയം എന്ന് അറിഞ്ഞിരുന്നില്ലെന്നാണ് മന്ത്രി ഇപ്പോൾ പ്രതികരിക്കുന്നത്.

രാഹുൽ മാങ്കൂട്ടത്തിലിനെതിരായ കേസ്: നടിയുടെ മൊഴിയെടുത്തു, മുൻകൂർ ജാമ്യാപേക്ഷ ഇന്ന് പരിഗണിക്കും

Story Highlights: Allegation against Minister A K Saseendran in Kerala

രാഹുൽ മാങ്കൂട്ടത്തിലിന്റെ അറസ്റ്റ് തടഞ്ഞില്ല; രാഹുൽ ഈശ്വറിനെ പൊലീസ് കസ്റ്റഡിയിൽ വിട്ടു