Idukki: Man killed in elephant attack, protests erupt

മുള്ളരിങ്ങാട് അമേൽ തൊട്ടിയിൽ കാട്ടാനയുടെ ആക്രമണത്തിൽ യുവാവ് കൊല്ലപ്പെട്ട സംഭവത്തിൽ ഇടുക്കിയിൽ പ്രതിഷേധം ഉയരുന്നു. മരിച്ച യുവാവിന്റെ മൃതദേഹം സൂക്ഷിച്ചിരിക്കുന്ന തൊടുപുഴ താലൂക്ക് ആശുപത്രിക്ക് മുന്നിൽ യൂത്ത് ലീഗ് പ്രവർത്തകർ പ്രതിഷേധ പ്രകടനം നടത്തുകയാണ്. മുള്ളരിങ്ങാട് സ്വദേശി അമർ ഇലാഹിയാണ് കാട്ടാനയുടെ ആക്രമണത്തിൽ ജീവൻ നഷ്ടപ്പെട്ടത്. സംഭവത്തിൽ വനംമന്ത്രി എ.കെ ശശീന്ദ്രൻ ചീഫ് വൈൽഡ് ലൈഫ് വാർഡനോട് വിശദമായ റിപ്പോർട്ട് ആവശ്യപ്പെട്ടിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തേക്കിൻ കൂപ്പിൽ പശുവിനെ അഴിക്കാൻ പോയ സമയത്താണ് ദാരുണമായ ആക്രമണം ഉണ്ടായത്. പ്രദേശത്ത് കാട്ടാന ശല്യം പതിവാണെന്ന് പഞ്ചായത്തംഗം ഉല്ലാസ് വ്യക്തമാക്കി. വനനിയമത്തിൽ അടിയന്തര ഭേദഗതി വേണമെന്ന് ജോസ് കെ മാണി എംപി ആവശ്യപ്പെട്ടു. കാട്ടാനശല്യം തടയാൻ സത്വര നടപടികൾ സ്വീകരിക്കണമെന്ന് പി ജെ ജോസഫ് അഭിപ്രായപ്പെട്ടു.

വൈകുന്നേരത്തോടെയാണ് കാട്ടാന ആക്രമണം ഉണ്ടായത്. ഓടി രക്ഷപ്പെടാൻ ശ്രമിക്കുന്നതിനിടെയാണ് അമറിനെ കാട്ടാന ആക്രമിച്ച് കൊലപ്പെടുത്തിയത്. കൂടെയുണ്ടായിരുന്നയാൾ ഓടി രക്ഷപ്പെട്ടു. കുടുംബത്തിന്റെ ഏക ആശ്രയമായിരുന്നു അമർ. വനാതിർത്തിയിൽ വെച്ചാണ് ആക്രമണം ഉണ്ടായതെന്ന് പഞ്ചായത്തംഗം ഉല്ലാസ് വ്യക്തമാക്കി.

ഇടുക്കിയിൽ അതിതീവ്ര മഴ; റെഡ് അലേർട്ട്, ജാഗ്രതാ നിർദ്ദേശം

മുള്ളരിങ്ങാട് മേഖലയിൽ ആറ് ആനകൾ തമ്പടിച്ചിരിക്കുന്നതായി റിപ്പോർട്ടുകളുണ്ട്. ഈ ആനകളെ ഉൾക്കാട്ടിലേക്ക് തിരിച്ചയക്കാൻ വനം വകുപ്പ് ശ്രമിച്ചെങ്കിലും പരാജയപ്പെട്ടു. പുഴ കടന്ന് നേര്യമംഗലം വനമേഖലയിലേക്ക് പോകാൻ കാട്ടാനകൾ വിസമ്മതിച്ചതോടെ ദൗത്യം പാതിവഴിയിൽ ഉപേക്ഷിക്കേണ്ടി വന്നു. ഈ സാഹചര്യത്തിൽ, കാട്ടാന ശല്യം നിയന്ത്രിക്കുന്നതിനും മനുഷ്യ-വന്യജീവി സംഘർഷം കുറയ്ക്കുന്നതിനുമുള്ള കാര്യക്ഷമമായ നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെടുന്നു.

Story Highlights: Youth League protests in Idukki over man killed in wild elephant attack, demands action

ഇടുക്കിയിൽ കോൺഗ്രസ് നേതാവിൻ്റെ കടയിൽ കഞ്ചാവ് വേട്ട; 7 കിലോ കഞ്ചാവുമായി മൂന്ന് പേർ പിടിയിൽ