Kochi Brothel Raid: Two Police Officers Arrested and Suspended

കൊച്ചി നഗരത്തിലെ ഏറ്റവും വലിയ വേശ്യാലയത്തിൽ പൊലീസ് നടത്തിയ റെയ്ഡിൽ എട്ട് പേർ പിടിയിലായി. മോക്ഷ എന്ന സ്ഥാപനത്തിലെ അനാശാസ്യ പ്രവർത്തനങ്ങളെക്കുറിച്ചുള്ള വിവരം ആദ്യം പുറത്തുകൊണ്ടുവന്നത് ട്വന്റിഫോർ ആയിരുന്നു. ഈ അനാശാസ്യ കേന്ദ്രത്തിന്റെ നടത്തിപ്പുമായി ബന്ധപ്പെട്ട് അറസ്റ്റിലായ രണ്ട് പൊലീസുകാർക്ക് സസ്പെൻഷൻ ലഭിച്ചു. എഎഎസ്ഐമാരായ ബ്രിജേഷ് ലാൽ, ടി കെ രമേശൻ എന്നിവരാണ് സസ്പെൻഷനിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ ഒക്ടോബറിൽ കടവന്ത്രയിലെ ഒരു ലോഡ്ജിൽ നടത്തിയ പരിശോധനയിലാണ് ഈ അനാശാസ്യ പ്രവർത്തനങ്ങൾ ആദ്യം വെളിച്ചത്തായത്. അന്ന് നടത്തിയ റെയ്ഡിൽ ഒരു സ്ത്രീയും പുരുഷനും ഏജന്റുമാരായി പിടിയിലായിരുന്നു. തുടർന്നുള്ള അന്വേഷണത്തിലാണ് ഈ ലോഡ്ജ് നടത്തി വരുമാനമുണ്ടാക്കിയിരുന്നത് പൊലീസുകാരാണെന്ന് വ്യക്തമായത്. ഇന്ന് രാവിലെയാണ് പ്രതികളായ രണ്ട് പൊലീസുകാരെ അന്വേഷണ സംഘം കസ്റ്റഡിയിലെടുത്തത്.

നേരത്തെ പിടിയിലായ ഏജന്റുമാരെ ചോദ്യം ചെയ്തപ്പോഴാണ് ലോഡ്ജിന്റെ നടത്തിപ്പിൽ പൊലീസുകാർക്ക് പങ്കുണ്ടെന്ന സൂചന ലഭിച്ചത്. തുടർന്നുള്ള അന്വേഷണത്തിൽ രമേശിനും ബ്രിജേഷ് ലാലിനും അനാശാസ്യ കേന്ദ്രത്തിന്റെ നടത്തിപ്പിൽ പങ്കുണ്ടെന്നതിന് തെളിവുകൾ ലഭിച്ചു. ഇരുവരെയും കസ്റ്റഡിയിലെടുത്ത് ചോദ്യം ചെയ്തശേഷം വൈകുന്നേരമാണ് അറസ്റ്റ് രേഖപ്പെടുത്തിയത്. ഈ സംഭവത്തിൽ കൂടുതൽ അന്വേഷണം നടക്കുന്നതായി അധികൃതർ അറിയിച്ചു.

Story Highlights: Two police officers arrested for involvement in running a brothel in Kochi city.

കൊല്ലത്ത് 2 വയസ്സുള്ള കുഞ്ഞിനെ അമ്മയും കാമുകനും ചേർന്ന് കൊലപ്പെടുത്തി