സംസ്ഥാനത്ത് സിനിമ ഷൂട്ടിംഗ് വൈകും. സിനിമാ സംഘടനകളുടെ യോഗത്തിൽ പീരുമേട്ടിൽ ആരംഭിച്ച സിനിമ ഷൂട്ടിംഗ് നിർത്തിവെക്കാൻ നിർദേശം. പൊതുമാനദണ്ഡം തയ്യാറാക്കുന്നതിനു മുൻപ് ഷൂട്ടിങ് ആരംഭിച്ചതിനാൽ ആണ് ഇടപെടലുണ്ടായത്.
സിനിമാ സംഘടനകളുടെ യോഗത്തിൽ കണ്ണൻ താമരക്കുളം സംവിധാനംചെയ്യുന്ന സിനിമയുടെ ഷൂട്ടിംഗ് നിർത്തിവെക്കാൻ നിർദ്ദേശം നൽകി. സർക്കാർ ഉത്തരവിനു പിന്നാലെയാണ് ഷൂട്ടിംഗ് നിർത്തി വെച്ചത്.
നിയന്ത്രണങ്ങൾ പാലിച്ചു ഷൂട്ടിംഗ് പുനരാരംഭിക്കുമെന്ന് സർക്കാർ തീരുമാനിച്ചിരുന്നു. ഇതിനു പിന്നാലെ നിരവധി ചിത്രങ്ങളാണ് ഷൂട്ടിങ്ങിന് തയ്യാറാക്കുന്നത്.
തെലങ്കാനയിലെ ആദ്യഘട്ട ചിത്രീകരണം പൂർത്തിയായാലുടൻ തന്നെ മോഹൻലാലിൻറെ ബ്രോ ഡാഡിയുടെ ഷൂട്ടിംഗ് കേരളത്തിലേക്ക് മാറ്റുമെന്ന് നിർമ്മാതാവ് ആൻറണി പെരുമ്പാവൂർ പറഞ്ഞു.
തീയറ്റർ അടച്ചിട്ടിരിക്കുന്ന സമയത്തും നികുതിയുടെ പേരിൽ സർക്കാർ വേട്ടയാടുകയാണെന്ന് തീയറ്റർ ഉടമകൾ സർക്കാരിനെ കുറ്റപ്പെടുത്തി കൊണ്ട് പറഞ്ഞു.
Story Highlights: Film shooting in the state will be delayed. It is suggested to stop shooting in Peerumed.
