Casting Director Vichu Faces New Charge Sheet in Sexual Harassment Case

ലൈംഗികാരോപണ പരാതികളിൽ പുതിയ കുറ്റപത്രം സമർപ്പിച്ചതായി റിപ്പോർട്ട്. കാസ്റ്റിംഗ് ഡയറക്ടർ വിച്ചുവിനെതിരെയാണ് എറണാകുളം സിജെഎം കോടതിയിൽ പ്രത്യേക അന്വേഷണസംഘം കുറ്റപത്രം സമർപ്പിച്ചത്. ജൂനിയർ ആർട്ടിസ്റ്റിന്റെ പരാതിയിലാണ് എറണാകുളം സെൻട്രൽ പൊലീസ് കേസ് രജിസ്റ്റർ ചെയ്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരാതിക്കാരി അന്വേഷണസംഘത്തിന് മുന്നിൽ നൽകിയ മൊഴിയിൽ, ലൈംഗിക താൽപര്യങ്ങൾക്ക് വഴങ്ങിയില്ലെങ്കിൽ സിനിമയിൽ അവസരം കിട്ടില്ലെന്നും കാസ്റ്റിംഗ് കൗച്ചിന് വഴങ്ങണമെന്നും വിച്ചു ആവശ്യപ്പെട്ടതായി വ്യക്തമാക്കി. സംസാരത്തിനിടയിൽ താൽപ്പര്യമെന്താണെന്ന് ചോദിക്കുമെന്നും, അഭിപ്രായം പറഞ്ഞാൽ വീട്ടിലിരിക്കാൻ പറയുമെന്നും പരാതിക്കാരി വെളിപ്പെടുത്തി. ഇത്തരം അനുഭവങ്ങൾ ഈ മേഖലയിലെ നിരവധി സുഹൃത്തുക്കൾക്കുണ്ടെന്നും അവർ പറഞ്ഞു.

നേരത്തെ ആലുവ സ്വദേശിയായ നടിയുടെ പരാതിയിലും വിച്ചുവിനെതിരെ കുറ്റപത്രം സമർപ്പിച്ചിരുന്നു. എന്നാൽ മുകേഷ്, ജയസൂര്യ, ബാലചന്ദ്രമേനോന്, ഇടവേള ബാബു തുടങ്ങിയ നടന്മാർക്കെതിരെയുള്ള ലൈംഗിക പരാതി പിൻവലിക്കുന്നതിൽ നിന്ന് നടി പിന്മാറി. കാര്യമായ അന്വേഷണം നടത്താതെ തന്നെ കുടുക്കിയതായും, തനിക്കുണ്ടായ ദുരന്തം മറ്റാർക്കും ഉണ്ടാവരുതെന്നും നടി പ്രതികരിച്ചു.