ആലപ്പുഴയിൽ കാണാതായ വിജയലക്ഷ്മി എന്ന യുവതിയുടെ മൃതദേഹം കണ്ടെത്തി. മൃതദേഹം വിവസ്ത്രമായ നിലയിലായിരുന്നു. ഫോറൻസിക് സംഘം സ്ഥലത്തെത്തി പരിശോധന നടത്തി. മൃതദേഹം ഉടൻ തന്നെ പുറത്തെടുക്കുമെന്ന് അധികൃതർ അറിയിച്ചു.
അമ്പലപ്പുഴ കരൂരിന് സമീപമുള്ള മത്സ്യത്തൊഴിലാളി യുവാവുമായി വിജയലക്ഷ്മിക്ക് അടുപ്പമുണ്ടായിരുന്നു. ഈ യുവാവ് വിജയലക്ഷ്മിയെ കൊലപ്പെടുത്തി കുഴിച്ചുമൂടിയതാകാമെന്നാണ് പൊലീസ് സംശയിക്കുന്നത്. ഇന്ന് രാവിലെ കരുനാഗപ്പള്ളിയിൽ നിന്നും പൊലീസ് സംഘം എത്തി യുവതിയെ കുഴിച്ചിട്ടതായി സംശയിക്കുന്ന പ്രദേശത്ത് മൃതദേഹത്തിനായി തിരച്ചിൽ നടത്തി.
വിജയലക്ഷ്മി വാടകയ്ക്ക് താമസിച്ചിരുന്ന വീട്ടിന് സമീപത്തുള്ളവരാണ് അവരെ കാണാനില്ലെന്ന് ആദ്യം അറിയിച്ചത്. തുടർന്നാണ് പൊലീസിൽ പരാതി നൽകിയത്. വിജയലക്ഷ്മിയും ജയചന്ദ്രനും തമ്മിൽ നേരത്തെ പ്രശ്നങ്ങൾ ഉണ്ടായിരുന്നതായി അറിയുന്നു. ഇരുവരും ഹാർബറിൽ ഒരുമിച്ച് ജോലി ചെയ്യുന്നവരായിരുന്നു.
Story Highlights: Body of missing woman Vijayalakshmi found in Alappuzha, suspected to be murdered and buried by fisherman acquaintance
