ADM K Naveen Babu's family reiterates conspiracy claims

എഡിഎം കെ നവീൻ ബാബുവിന്റെ കുടുംബം അന്വേഷണ സംഘത്തിന് നൽകിയ മൊഴിയിൽ യാത്രയയപ്പ് ചടങ്ങിലും നിരക്ഷേപ പത്രത്തിലും ഗൂഢാലോചന ഉണ്ടെന്ന് ആവർത്തിച്ചു. നവീൻ ബാബുവിന്റെ ഭാര്യ മഞ്ജുഷയും സഹോദരൻ പ്രവീൺ ബാബുവുമാണ് ഈ ആരോപണം ഉന്നയിച്ചത്. കണ്ണൂരിൽ നിന്നുള്ള പ്രത്യേക അന്വേഷണ സംഘം മലയാലപ്പുഴയിൽ എത്തി രണ്ടു മണിക്കൂറോളം നീണ്ട മൊഴിയെടുപ്പ് നടത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇത് രണ്ടാം തവണയാണ് അന്വേഷണ സംഘം കുടുംബത്തിന്റെ മൊഴിയെടുക്കുന്നത്. ആദ്യം നവീൻ ബാബുവിന്റെ സംസ്കാരം കഴിഞ്ഞ ഉടൻ പ്രാഥമിക അന്വേഷണത്തിന്റെ ഭാഗമായി മൊഴി രേഖപ്പെടുത്തിയിരുന്നു. എന്നാൽ അന്ന് കുടുംബം മനോവിഷമത്തിലായിരുന്നതിനാൽ വിശദമായി മൊഴിയെടുക്കാൻ സാധിച്ചിരുന്നില്ല.

പുതിയ അന്വേഷണ സംഘത്തെ തീരുമാനിച്ച് രണ്ടാഴ്ചകൾക്ക് ശേഷമാണ് ഇപ്പോൾ കുടുംബത്തിന്റെ മൊഴി രേഖപ്പെടുത്തിയത്. നവീൻ ബാബുവിന്റെ കാൾ ലിസ്റ്റുമായാണ് അന്വേഷണ സംഘം ചോദ്യം ചെയ്യാൻ എത്തിയത്. ടി വി പ്രശാന്തിന്റെ അഴിമതി ആരോപണത്തിലും കുടുംബം സംശയം പ്രകടിപ്പിച്ചതായി റിപ്പോർട്ടുകളുണ്ട്. കഴിഞ്ഞ ദിവസം ടി വി പ്രശാന്തിന്റെ മൊഴിയും അന്വേഷണ സംഘം രേഖപ്പെടുത്തിയിരുന്നു.

കത്ത് ചോർച്ച വിവാദം: എം.വി. ഗോവിന്ദൻ മുഹമ്മദ് ഷർഷാദിന് വക്കീൽ നോട്ടീസ് അയച്ചു

Story Highlights: ADM K Naveen Babu’s family reiterates conspiracy in farewell ceremony and deposit certificate

കണ്ണൂരിൽ യുവതിയെ പെട്രോൾ ഒഴിച്ചു കൊലപ്പെടുത്തിയ സംഭവം: സുഹൃത്ത് അറസ്റ്റിൽ