ചേലക്കര മണ്ഡലത്തിന്റെ അതിർത്തിയായ ചെറുതുരുത്തിയിൽ നിന്ന് ഇലക്ഷൻ സ്ക്വാഡ് 25 ലക്ഷം രൂപ പിടികൂടി. കുളപ്പുള്ളിയിൽ നിന്ന് കലാമണ്ഡലത്തിലേക്ക് പോകുകയായിരുന്ന വാഹനത്തിൽ നിന്നാണ് പണം കണ്ടെത്തിയത്. വാഹനത്തിന്റെ സീറ്റിനടിയിൽ ബാഗിലാക്കി ഒളിപ്പിച്ചു വെച്ചിരുന്ന പണമാണ് പരിശോധനയിൽ കണ്ടെത്തിയത്.
പണം എറണാകുളത്തേക്ക് കൊണ്ടുപോവുകയായിരുന്നുവെന്ന് സംഘം പറഞ്ഞു. കുളപ്പുള്ളി സ്വദേശികളായ മൂന്നു പേരെ ഇലക്ഷൻ സ്ക്വാഡ് ചോദ്യം ചെയ്യുകയാണ്. കഴിഞ്ഞ ദിവസം ബാങ്കിൽ നിന്നും പിൻവലിച്ച പണമാണിതെന്നാണ് കാറിലുണ്ടായിരുന്നവർ ഇലക്ഷൻ സ്‌ക്വാഡിന് നൽകിയ മറുപടി.
പണത്തിന്റെ ഉറവിടം സംബന്ധിച്ച് ഇലക്ഷൻ സ്ക്വാഡ് പരിശോധന നടത്തുകയാണ്. അതിന് ശേഷമായിരിക്കും തുടർനടപടികൾ ഉണ്ടാകുക. വാഹനത്തിലുണ്ടായിരുന്ന മൂന്ന് പേരെയും വാഹനത്തെയും സ്ക്വാഡ് കസ്റ്റഡിയിൽ എടുത്തിട്ടുണ്ട്.
Story Highlights: Election squad seizes 25 lakh rupees smuggled in vehicle at Chelakkara constituency border
