Court Criticizes PP Divya in ADM Naveen Babu Death Case

കണ്ണൂർ എഡിഎം കെ നവീൻ ബാബുവിന്റെ മരണവുമായി ബന്ധപ്പെട്ട കേസിൽ പി. പി. ദിവ്യയ്ക്ക് കോടതിയുടെ രൂക്ഷ വിമർശനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ദിവ്യയുടെ പ്രവൃത്തി ഗൗരവമുള്ളതാണെന്നും, യാത്രയയപ്പ് യോഗത്തിലേക്ക് ക്ഷണിക്കാതെയാണ് എത്തിയതെന്നും കോടതി നിരീക്ഷിച്ചു. എഡിഎമ്മിനെ അപമാനിക്കുക എന്ന ലക്ഷ്യത്തോടെയാണ് ദിവ്യ പരിപാടിയിലേക്ക് എത്തിയതെന്നും, അവരുടെ പ്രസംഗം ആസൂത്രിതമാണെന്നും കോടതി വ്യക്തമാക്കി. ദിവ്യയുടെ നടപടികൾ ആസൂത്രിതമാണെന്ന പ്രോസിക്യൂഷന്റെ വാദം കോടതി അംഗീകരിച്ചു.

സാക്ഷികളെ സ്വാധീനിച്ചേക്കാമെന്ന ആശങ്കയും കോടതി പ്രകടിപ്പിച്ചു. പ്രഥമദൃഷ്ട്യ ദിവ്യക്കെതിരെ ഗൗരവമുള്ള കേസ് നിലനിൽക്കുന്നതിനാൽ ജാമ്യം നൽകാൻ ആകില്ലെന്ന് കോടതി വ്യക്തമാക്കി. 38 പേജുള്ള വിധിയിൽ കേസിന്റെ ഗൗരവം എടുത്തുകാട്ടിയിട്ടുണ്ട്.

പി. പി. ദിവ്യയുടെ സമൂഹത്തിലെ സ്വാധീനം കേസ് അട്ടിമറിക്കാൻ ഉപയോഗിച്ചേക്കാമെന്ന് ചൂണ്ടിക്കാട്ടിയാണ് മുൻകൂർ ജാമ്യാപേക്ഷ തള്ളിയത്.

സ്ഥാനമാനങ്ങൾ മുൻകൂർ ജാമ്യം അനുവദിക്കാനുള്ള സാധ്യതയല്ലെന്നും കോടതി വ്യക്തമാക്കി. ദിവ്യ ആസൂത്രിതമായി യാത്രയയപ്പ് യോഗത്തിലെത്തി വ്യക്തിഹത്യ നടത്തിയെന്നും, പ്രേരണക്കുറ്റം നിലനിൽക്കുമെന്നുമായിരുന്നു പ്രോസിക്യൂഷന്റെ വാദം. തലശ്ശേരി പ്രിൻസിപ്പൽ സെഷൻസ് കോടതിയാണ് ദിവ്യയുടെ ജാമ്യാപേക്ഷ തള്ളിയത്.

മുനമ്പത്ത് ബിജെപി താത്കാലിക നേട്ടമെന്ന് മന്ത്രി വി. അബ്ദുറഹിമാൻ

Story Highlights: Court criticizes PP Divya in ADM Naveen Babu death case, denies bail

എം.എ. ബേബി സിപിഐഎം ജനറൽ സെക്രട്ടറി