തിരുവനന്തപുരത്ത് പട്ടാപ്പകൽ വീട്ടിൽ അതിക്രമിച്ചു കയറി 20 കാരിയെ പീഡിപ്പിച്ച കേസിൽ രണ്ടു പ്രതികളെ പോലീസ് അറസ്റ്റ് ചെയ്തു. കൊട്ടിയം സ്വദേശി ബൈജുവും പരവൂർ സ്വദേശി ജിക്കോ ഷാജിയുമാണ് അറസ്റ്റിലായത്. ഇരുവരും മംഗലാപുരത്ത് ഒപ്റ്റിക്കൽ കേബിൾ ജോലിക്കായി എത്തിയവരാണ്. ജിക്കോ ഷാജി പരവൂർ സ്റ്റേഷനിലെ റൗഡി ലിസ്റ്റിൽ പെട്ട ആളാണെന്നും പോലീസ് വ്യക്തമാക്കി.
ഇന്നലെയാണ് സംഭവം നടന്നത്. പെൺകുട്ടിയുടെ വീട്ടു പരിസരത്ത് ജോലിക്കെത്തിയ പ്രതികൾ, പെൺകുട്ടി മാത്രമാണ് വീട്ടിലെന്ന് ഉറപ്പുവരുത്തിയ ശേഷം അതിക്രമിച്ചു കയറുകയായിരുന്നു. 20 കാരിയെ കടന്നു പിടിച്ച പ്രതികൾ, ബഹളം വെക്കാൻ ശ്രമിച്ചപ്പോൾ വായിൽ തുണി കുത്തി കയറ്റിയ ശേഷം പീഡിപ്പിക്കാൻ ശ്രമിക്കുകയായിരുന്നു.
പീഡനത്തിന് പുറമേ എസ്എസ്ടി നിയമപ്രകാരവും പോലീസ് കേസെടുത്തിട്ടുണ്ട്. പ്രതികളുടെ അറസ്റ്റ് രേഖപ്പെടുത്തിയതായി പോലീസ് അറിയിച്ചു. സംഭവത്തിൽ കൂടുതൽ അന്വേഷണം നടന്നുവരികയാണ്.
Story Highlights: Two men arrested for attempting to sexually assault a 20-year-old woman in Thiruvananthapuram, Kerala
