Drug dealer arrested in Uppala for selling cannabis to students

ഉപ്പള പൊലീസിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിൽ വിദ്യാർത്ഥികൾക്കിടയിൽ ലഹരി വിൽപന നടത്തിയിരുന്ന മുഹമ്മദ് അർഷാദ് പിടിയിലായി. ഉപ്പള ബപ്പായത്തൊട്ടിയിലെ താമസക്കാരനായ ഇയാളുടെ വീട്ടിൽ നടത്തിയ റെയ്ഡിൽ കട്ടിലിന് താഴെ ബാഗിൽ ഒളിപ്പിച്ചുവെച്ച നിലയിൽ ഒരു കിലോ കഞ്ചാവ് കണ്ടെടുത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൂടാതെ, കഞ്ചാവ് തൂക്കുന്നതിനുള്ള ത്രാസും ചില്ലറ വിൽപ്പനയ്ക്കായുള്ള പ്ലാസ്റ്റിക് കവറുകളും പിടിച്ചെടുത്തു. ഉപ്പള കേന്ദ്രീകരിച്ച് വിദ്യാർത്ഥികൾക്കിടയിലാണ് മുഹമ്മദ് അർഷാദ് ലഹരി വിൽപന നടത്തിയിരുന്നത്.

നേരത്തെയും ഇയാൾ കഞ്ചാവ് കേസിൽ അറസ്റ്റിലായിട്ടുണ്ട്. മുൻപ് താമസിച്ചിരുന്ന ഉപ്പളയിലെ ഫ്ലാറ്റ് കേന്ദ്രീകരിച്ച് ലഹരിവിൽപന നടത്തുന്നതായി പരാതി ഉയർന്നിരുന്നു.

ഇതിനെ തുടർന്ന് വിവിധ സ്ഥലങ്ങളിൽ മാറി മാറി താമസിച്ചാണ് ലഹരി വിൽപന തുടർന്നുവന്നിരുന്നത്. പൊലീസിന്റെ നിരന്തരമായ നിരീക്ഷണവും രഹസ്യ വിവരശേഖരണവും ഫലം കണ്ടതോടെയാണ് മുഹമ്മദ് അർഷാദിനെ പിടികൂടാൻ സാധിച്ചത്.

രോഹിത് വെള്ളക്കുപ്പായം അഴിച്ചു; അകലുന്നത് ടെസ്റ്റ് ക്രിക്കറ്റിലെ ‘സമാനതകളില്ലാത്ത ആക്രമണ ബാറ്റിംഗ് മുഖം’

വിദ്യാർത്ഥികൾക്കിടയിൽ ലഹരി വ്യാപനം തടയുന്നതിനുള്ള പൊലീസിന്റെ ശ്രമങ്ങളുടെ ഭാഗമായാണ് ഈ അറസ്റ്റ്. ലഹരി മാഫിയകൾക്കെതിരെ കർശന നടപടികൾ തുടരുമെന്ന് പൊലീസ് അറിയിച്ചു.

Story Highlights: Police arrest drug dealer Muhammad Arshad in Uppala for selling cannabis to students

ആലപ്പുഴ കഞ്ചാവ് കേസ്: ഷൈൻ ടോം ചാക്കോ, ശ്രീനാഥ് ഭാസി ഉൾപ്പെടെ അഞ്ചുപേരെ ചോദ്യം ചെയ്യും