മഹാരാഷ്ട്രയിലെ നാഗ്പുരിൽ പെൺസുഹൃത്തിനെ കൊലപ്പെടുത്തി മൃതദേഹം കോൺക്രീറ്റിട്ട് മൂടിയ സംഭവത്തിൽ പട്ടാളക്കാരൻ അറസ്റ്റിലായി. 33 വയസ്സുകാരനായ അജയ് വാംഖഡെ എന്ന പട്ടാളക്കാരനാണ് അറസ്റ്റിലായത്. ഇയാളുടെ സുഹൃത്തായ ജ്യോത്സ്ന (32) എന്ന യുവതിയെയാണ് കൊലപ്പെടുത്തിയത്. ഒരു മാട്രിമോണി സൈറ്റ് വഴിയാണ് ഇവർ പരിചയപ്പെട്ടത്. എന്നാൽ, ജ്യോത്സ്ന വിവാഹമോചിതയാണെന്ന കാരണത്താൽ അജയ് വാംഖഡെയുടെ വീട്ടുകാർ ഈ ബന്ധത്തെ എതിർക്കുകയും മറ്റൊരു യുവതിയുമായി ഇയാളുടെ വിവാഹം നടത്തുകയും ചെയ്തു. വിവാഹശേഷം ജ്യോത്സ്നയെ ഒഴിവാക്കാൻ അജയ് ശ്രമിച്ചിരുന്നതായി പൊലീസ് പറയുന്നു. ഇയാൾ ഫോൺ എടുക്കുന്നത് നിർത്തിയതോടെ ജ്യോത്സ്ന ഇയാളുടെ സുഹൃത്തുക്കളെ ബന്ധപ്പെടുകയായിരുന്നു. സുഹൃത്ത് വഴി ജ്യോത്സ്ന തന്നെ അന്വേഷിച്ച് നടക്കുന്നതായി അജയ് അറിയുകയും, തുടർന്ന് ജ്യോത്സ്നയുടെ അമ്മയുടെ ഫോണിലേക്ക് വിളിച്ച് തമ്മിൽ കാണണമെന്ന് പറയുകയും ചെയ്തു. ഒരു ഓട്ടോമൊബൈൽ സ്ഥാപനത്തിലെ ജീവനക്കാരിയായ ജ്യോത്സ്ന സുഹൃത്തിനെ കാണാൻ പോവുകയാണെന്നും അടുത്ത ദിവസം ജോലി കഴിഞ്ഞേ വീട്ടിലെത്തുകയുള്ളൂ എന്നും പറഞ്ഞ് വീട്ടിൽ നിന്നിറങ്ങി. ഇരുവരും കൂടിക്കാഴ്ച നടത്തിയ ശേഷം ഒരു ഹോട്ടലിൽ മുറിയെടുത്തു. പിന്നീട് സമീപത്തെ ടോൾ പ്ലാസയിലേക്ക് അജയ് ജ്യോത്സ്നയെ കാറിലെത്തിച്ചു, അവിടെവെച്ച് മയക്കുമരുന്ന് കലർത്തിയ ജ്യൂസ് കുടിക്കാൻ നൽകി. ജ്യോത്സ്നയുടെ ബോധം നഷ്ടപ്പെട്ടപ്പോൾ അജയ് അവരെ കഴുത്തിൽ മുറുക്കി ശ്വാസം മുട്ടിച്ച് കൊലപ്പെടുത്തി. ശേഷം ആൾപ്പാർപ്പില്ലാത്ത സ്ഥലത്തേക്ക് മൃതദേഹമെത്തിച്ച് മണ്ണിൽ കുഴിയെടുത്ത് കോൺക്രീറ്റ് ചെയ്തു മൂടി. ജ്യോത്സ്നയുടെ മൊബൈൽ വാർധ റോഡിലൂടെ പോവുകയായിരുന്ന ട്രക്കിലേക്ക് എറിഞ്ഞു. ജ്യോത്സ്ന വീട്ടിൽ തിരിച്ചെത്താതെയായതോടെ വീട്ടുകാർ പൊലീസിൽ വിവരമറിയിച്ചു. കോൾ റെക്കോഡുകൾ ട്രാക്ക് ചെയ്താണ് പൊലീസ് പ്രതിയിലേക്കെത്തിയത്. മലയാള സിനിമ ‘ദൃശ്യ’ത്തിന്റെ റീമേക്കായ അജയ് ദേവ്ഗൺ ചിത്രം ‘ദൃശ്യ’വുമായി കൊലയ്ക്ക് സാമ്യമുണ്ടെന്നാണ് പൊലീസ് വ്യക്തമാക്കുന്നത്. കേസിൽ തുടരന്വേഷണം നടന്നുകൊണ്ടിരിക്കുകയാണ്.
Also Read; ദില്ലിയിലെ വായു മലിനീകരണവുമായി ബന്ധപ്പെട്ട ഹർജി സുപ്രീംകോടതി ഇന്ന് വീണ്ടും പരിഗണിക്കും
Story Highlights: Army man arrested for murdering female friend and concealing body in concrete in Nagpur, Maharashtra
കൂടലിൽ 40 വയസ്സുകാരൻ കുത്തേറ്റ് മരിച്ച സംഭവം കൊലപാതകമാണെന്നും, പ്രതി റിമാൻഡിൽ ആണെന്നും Read more
നാഗ്പൂരിൽ വാഹനാപകടത്തിൽ ഭാര്യ മരിച്ചതിനെ തുടർന്ന് ഭർത്താവ് മൃതദേഹം ബൈക്കിൽ കെട്ടിവെച്ച് കൊണ്ടുപോയി. Read more
കോഴിക്കോട് കരിക്കാംകുളത്ത് രണ്ട് വയോധികരായ സഹോദരിമാരെ കൊലപ്പെടുത്തിയ നിലയിൽ കണ്ടെത്തി. പോസ്റ്റ്മോർട്ടത്തിൽ ഇരുവരും Read more
ഒഡീഷയിലെ പുരിയിൽ യുവാക്കൾ തീകൊളുത്തിയ 15 വയസ്സുകാരി ദില്ലി എയിംസിൽ ചികിത്സയിലിരിക്കെ മരിച്ചു. Read more
പത്തനംതിട്ടയിൽ ഭർത്താവിന്റെ കുത്തേറ്റ് ചികിത്സയിലായിരുന്ന ഭാര്യ ശ്യാമ മരിച്ചു. കുടുംബവഴക്കിനിടെ ശ്യാമയുടെ പിതാവിനും Read more
കൊല്ലം അഞ്ചാലുംമൂട്ടിൽ ഭർത്താവ് ഭാര്യയെ കുത്തിക്കൊന്നു. കല്ലുവാതുക്കൽ സ്വദേശി രേവതിയാണ് കൊല്ലപ്പെട്ടത്. ജോലിക്ക് Read more
ഭുവനേശ്വറിൽ ഭാര്യയെയും ഭാര്യാമാതാവിനെയും കൊലപ്പെടുത്തിയ കേസിൽ യുവാവ് അറസ്റ്റിലായി. ഒഡീഷയിലെ മയൂർബഞ്ച് സ്വദേശിയായ Read more
ഡൽഹിയിൽ 10,000 രൂപ കടം കൊടുക്കാത്തതിനെ തുടർന്ന് സഹപ്രവർത്തകനെ കൊലപ്പെടുത്തി. ഫാംഹൗസ് ജീവനക്കാരനായ Read more
കർണാടകയിലെ ബീദറിൽ നാല് വയസ്സുള്ള പെൺകുട്ടി സ്കൂൾ സമയത്ത് ബലാത്സംഗത്തിനിരയായി. വീട്ടിൽ തിരിച്ചെത്തിയ Read more
തൃശ്ശൂരിൽ ഇരട്ട സഹോദരന്മാരായ പോലീസുകാർ തമ്മിൽ കയ്യാങ്കളി നടന്നു. പഴയന്നൂർ സ്റ്റേഷനിലെ എസ് Read more
