NCB Intensifies Monitoring of Crypto-Based Drug Transactions in India

ക്രിപ്റ്റോ കറൻസി ഉപയോഗിച്ചുള്ള ലഹരി ഇടപാടുകളിൽ വലിയ വർധനവ് ഉണ്ടായിരിക്കുന്നു. ഈ സാഹചര്യത്തിൽ നര്ക്കോട്ടിക് കണ്ട്രോള് ബ്യൂറോ (NBC) ആന്റി നര്ക്കോട്ടിക് ദൗത്യസംഘം രൂപവത്കരിച്ച് നിരീക്ഷണം ശക്തമാക്കിയിരിക്കുകയാണ്. സംശയകരമായ ഇടപാടുകള് തടയാനും, ബന്ധപ്പെട്ട അന്വേഷണ ഏജന്സികള്ക്ക് കൃത്യസമയത്ത് വിവരം കൈമാറാനുമാണ് ദൗത്യസംഘം പ്രവര്ത്തിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതോടൊപ്പം, വർധിച്ചുവരുന്ന നാര്ക്കോ-ഭീകരവാദ കേസുകൾ നിരീക്ഷിക്കാന് ജോയിന്റ് കോഡിനേഷന് കമ്മിറ്റിക്കും (JCC) രൂപം നല്കിയിട്ടുണ്ട്. രാജ്യത്തെ മുഴുവന് ലഹരിക്കേസുകളിലും അറസ്റ്റിലായ പ്രതികളുടെ വിവരം എല്ലാ സംസ്ഥാനങ്ങള്ക്കും ലഭിക്കുംവിധം നാഷണല് ഇന്റഗ്രേറ്റഡ് ഡേറ്റാബേസ് പോര്ട്ടലും ആരംഭിച്ചിട്ടുണ്ട്. ഈ പോർട്ടലിലൂടെ അന്തർസംസ്ഥാന ലഹരിക്കുറ്റവാളികളുടെ വിവരങ്ങള് അന്വേഷണ സംഘങ്ങള്ക്ക് എളുപ്പത്തിൽ ലഭ്യമാകും.

സെബര് തട്ടിപ്പ് സംഘങ്ങള് സമാഹരിക്കുന്ന പണം ഉൾപ്പെടെ ക്രിപ്റ്റോ കറന്സി വഴി ലഹരി വാങ്ങാന് ഉപയോഗിക്കുന്നതായി കണ്ടെത്തിയിട്ടുണ്ട്. സാമൂഹിക മാധ്യമങ്ങളിലൂടെ ഇടപാടുകാര് ആവശ്യക്കാരെ സമീപിക്കുകയും, പിന്നീട് ക്രിപ്റ്റോ കറന്സി വഴി പണം സ്വീകരിച്ച് വിദേശത്തുനിന്ന് കൊറിയർ വഴി ലഹരി എത്തിച്ചുനല്കുകയും ചെയ്യുന്നു. സാങ്കേതികവിദ്യയുടെ പിന്ബലത്തോടെ പ്രവര്ത്തിക്കുന്ന ലഹരിസംഘങ്ങളുടെ പ്രവർത്തനങ്ങൾ വർധിച്ച സാഹചര്യത്തിലാണ് നിരീക്ഷണം ശക്തമാക്കിയത്.

മദ്യലഹരിയിൽ മകന്റെ ക്രൂരമർദ്ദനം: എഴുപതുകാരിയായ അമ്മ ഗുരുതരാവസ്ഥയിൽ

ഷോപ്പിങ് സൈറ്റുകള്പോലുള്ള ആയിരക്കണക്കിന് ലഹരിവില്പ്പന സൈറ്റുകളുണ്ടെന്നത് ഞെട്ടിക്കുന്നതാണ്. ബിറ്റ്കോയിന് ഉപയോഗിച്ച് ഏത് ലഹരിമരുന്നും വാങ്ങാൻ കഴിയുമെന്നതും, അന്താരാഷ്ട്ര മയക്കുമരുന്ന് സംഘങ്ങളുമായി നേരിട്ട് ഇടപാടുകള് നടത്താമെന്നതും ആശങ്കാജനകമാണ്. ഡാര്ക്ക് വെബ്സൈറ്റുകളിലെ ഇടപാടുകാരുടെ വിശദാംശങ്ങള് കണ്ടെത്തുക എന്നത് എളുപ്പമുള്ള കാര്യമല്ല.

പോളണ്ട്, നെതര്ലന്ഡ്സ്, യുഎസ്എ എന്നീ രാജ്യങ്ങളില് നിന്ന് രാജ്യത്തിന്റെ വിവിധ ഭാഗങ്ങളുമായി ബന്ധിപ്പിക്കുന്ന ലഹരിശൃംഖല ശക്തമായി നിലനിൽക്കുന്നു.

Story Highlights: Narcotics Control Bureau forms anti-narcotics task force to combat rising crypto-based drug transactions in India

രാജ്യത്ത് പിടക്കപ്പെട്ടതിൽ കര മാർഗമുള്ള രണ്ടാമത്തെ ഏറ്റവും വലിയ കഞ്ചാവ് കടത്ത്; മൂന്ന് പ്രതികൾ കഠിന തടവും 1.5 ലക്ഷം വീതം പിഴയും