Hotel cook arrested for impersonating army jawan, sexual assault

മധ്യപ്രദേശിലെ സത്നയിൽ ആർമി ജവാനെന്ന വ്യാജേന യുവതിയെ പീഡിപ്പിച്ച സംഭവത്തിൽ ഹോട്ടൽ പാചകക്കാരൻ അറസ്റ്റിലായി. സ്വകാര്യ ഹോട്ടലിലെ പാചകക്കാരനായ കപിലേഷ് ശർമ്മയാണ് പിടിയിലായത്. 2023-ൽ ഫേസ്ബുക്കിലൂടെ പരിചയപ്പെട്ട ഇരുവരും പ്രണയത്തിലായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ കപിലേഷ് ജവാനല്ല, ഹോട്ടലിലെ പാചകക്കാരനാണെന്ന് അറിഞ്ഞപ്പോൾ യുവതി ബന്ധത്തിൽ നിന്നും പിന്മാറി. തുടർന്ന് യുവതിയുടെ നഗ്ന ദൃശ്യങ്ങൾ കാണിച്ച് കപിലേഷ് ഭീഷണിപ്പെടുത്തുകയായിരുന്നു. ഇക്കാര്യം ചൂണ്ടിക്കാട്ടി യുവതി പൊലീസിനെ സമീപിച്ചതോടെയാണ് കപിലേഷ് കുടുങ്ങിയത്.

യുവതിയുടെ പരാതിയുടെ അടിസ്ഥാനത്തിൽ അറസ്റ്റ് രേഖപ്പെടുത്തിയ പ്രതിക്കുമേൽ ഐപിസി സെക്ഷൻ 376 അടക്കം ചുമത്തിയിട്ടുണ്ട്. അടുത്തിടെ ദില്ലിയിലും സമാനമായ സംഭവം ഉണ്ടായിരുന്നു. ഇന്ത്യൻ ആർമി ഉദ്യോഗസ്ഥനാണെന്ന വ്യാജേന വനിതാ കോൺസ്റ്റബിളിനെ പീഡിപ്പിച്ച 28 കാരനെ പൊലീസ് അറസ്റ്റ് ചെയ്തിരുന്നു.

പ്രതിയെ പിടികൂടാൻ പൊലീസ് എത്തിയപ്പോൾ കുടുംബാംഗങ്ങളും മറ്റുള്ളവരും ചേർന്ന് ഉദ്യോഗസ്ഥരെ പൂട്ടിയിട്ടിരുന്നു. പിന്നീട് ഏറ്റുമുട്ടലിലൂടെയാണ് പൊലീസ് പ്രതിയെ പിടികൂടിയത്.

ബിജു ജോസഫ് കൊലപാതകം: തെളിവ് ലഭിച്ചു; ഓമിനി വാൻ കണ്ടെത്തി

Story Highlights: Hotel cook arrested in Madhya Pradesh for impersonating army jawan and sexually assaulting woman

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്