Bengal student's burnt body found, friend in custody

ബംഗാളിലെ നാദിയ ജില്ലയിൽ പതിനൊന്നാം ക്ലാസ് വിദ്യാർത്ഥിനിയുടെ മൃതദേഹം റോഡരികിൽ കത്തിക്കരിഞ്ഞ നിലയിൽ കണ്ടെത്തി. കഴിഞ്ഞ ദിവസമാണ് ഈ ദാരുണ സംഭവം നടന്നത്. പതിനെട്ടുകാരിയായ പെൺകുട്ടിയുടെ മൃതദേഹം കൃഷ്ണനഗറിലാണ് കണ്ടെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുഖം കത്തിക്കരിഞ്ഞ് തിരിച്ചറിയാനാകാത്ത അവസ്ഥയിലായിരുന്നു മൃതദേഹം. റോഡിലൂടെ നടന്നുപോയവരാണ് മൃതദേഹം കണ്ടെത്തിയത്. പൊലീസ് സൂപ്രണ്ടിന്റെ ഓഫീസിൽ നിന്ന് അഞ്ഞൂറ് മീറ്റർ അകലെയായിരുന്നു സംഭവം നടന്നത്.

കഴിഞ്ഞ ദിവസം രാത്രി ഏഴ് മണിയോടെയാണ് പെൺകുട്ടി വീട്ടിൽ നിന്നും പോയതെന്ന് കുടുംബം അറിയിച്ചു. പിന്നീട് തിരികെ എത്തിയില്ലെന്നും പൊലീസിന് വിവരം ലഭിച്ചു. പെൺകുട്ടിയെ കാണാതായപ്പോൾ കുടുംബം സുഹൃത്തായ രാഹുലിനെ ബന്ധപ്പെട്ടിരുന്നു.

ഇയാളുടെ പ്രതികരണത്തിൽ സംശയം തോന്നിയതിനെ തുടർന്ന് കുടുംബം നൽകിയ പരാതിയുടെ അടിസ്ഥാനത്തിൽ രാഹുലിനെ പൊലീസ് കസ്റ്റഡിയിലെടുത്തു. പെൺകുട്ടിയുടെ സോഷ്യൽ മീഡിയയിൽ നിന്ന് “തന്റെ മരണത്തിന് ആരും ഉത്തരവാദിയല്ല” എന്ന ഒരു പോസ്റ്റ് കണ്ടെത്തിയിട്ടുണ്ട്. ഈ പോസ്റ്റ് കേന്ദ്രീകരിച്ചും പൊലീസ് അന്വേഷണം നടത്തുന്നുണ്ട്.

പെൺകുട്ടിയെ കൊലപ്പെടുത്തിയ ശേഷം മുഖം കത്തിച്ച് റോഡരികിൽ ഉപേക്ഷിച്ചതാണെന്നാണ് പൊലീസ് ആദ്യം അന്വേഷണത്തിൽ കണ്ടെത്തിയത്. എന്നാൽ, ഇക്കാര്യം കൂടി ഇനി സ്ഥിരീകരിക്കേണ്ടതുണ്ട്. സംഭവത്തിന്റെ ഗൗരവം കണക്കിലെടുത്ത് പൊലീസ് വിശദമായ അന്വേഷണം നടത്തി വരികയാണ്.

അമേരിക്കയുടെ പകര ചുങ്കം ഇന്ന് മുതൽ പ്രാബല്യത്തിൽ; ഇന്ത്യയുൾപ്പെടെ 60 രാജ്യങ്ങൾ പട്ടികയിൽ

Story Highlights: Class 11 student’s burnt body found in Bengal, friend in police custody

സിദ്ധാർത്ഥന്റെ മരണം: 19 വിദ്യാർത്ഥികളെ വെറ്ററിനറി സർവകലാശാല പുറത്താക്കി