Adoor Police Havildar Murdered: Friend in Custody, Drug Link Suspected

അടൂര് പൊലീസ് ക്യാംപിലെ ഹവില്ദാറായ ഇര്ഷാദിന്റെ കൊലപാതകത്തില് കൂടുതല് വിവരങ്ങള് പുറത്തുവന്നിരിക്കുകയാണ്. കൊല്ലം ചിതറയില് നടന്ന സംഭവത്തില് ഇരുപത്തിയെട്ടുകാരനായ ഇര്ഷാദിന്റെ സുഹൃത്ത് സഹദിനെ പൊലീസ് കസ്റ്റഡിയിലെടുത്തു. രാസലഹരിയാണോ കൊലപാതകത്തിലേക്ക് നയിച്ചതെന്ന് പൊലീസ് അന്വേഷിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എംഡിഎംഎ കേസില് പ്രതിയായ സഹദും ഇര്ഷാദും നിരന്തരം ലഹരി ഉപയോഗിക്കുന്നവരാണെന്ന വിവരം പൊലീസിന് ലഭിച്ചിട്ടുണ്ട്. മികച്ച കായികതാരമായിരുന്ന ഇര്ഷാദ് അടൂര് പൊലീസ് ക്യാമ്പിലെ ഹവില്ദാറായിരുന്നു. എന്നാല് അച്ചടക്ക നടപടിയുടെ ഭാഗമായി ഇയാളെ ജോലിയില് നിന്ന് മാറ്റി നിര്ത്തിയിരിക്കുകയായിരുന്നു.

രണ്ടുദിവസത്തിലേറെയായി ചിതറ വിശ്വാസ് നഗറിലെ സഹദിന്റെ വീട്ടിലായിരുന്നു ഇര്ഷാദ്. സഹദിന്റെ ഏറ്റവും അടുത്ത സുഹൃത്തായ ഇര്ഷാദിനെ വീടിനുളളില് വച്ച് സഹദ് കൊല്ലുകയായിരുന്നു. മകന്റെ പെരുമാറ്റത്തില് സംശയം തോന്നിയ സഹദിന്റെ പിതാവ് വീടിനുളളില് നോക്കിയപ്പോഴാണ് ഇര്ഷാദിനെ കൊല്ലപ്പെട്ട നിലയില് കണ്ടെത്തിയത്.

വീടിന്റെ മുകള് നിലയിലെ ചെറിയ മുറിയിലായിരുന്നു മൃതദേഹം. സ്ഥലത്ത് എത്തിയ ആംബുലന്സ് ഡ്രൈവറാണ് പൊലീസിനെ വിവരം അറിയിച്ചത്. സംഭവത്തെക്കുറിച്ച് കൂടുതല് അന്വേഷണം നടത്തി വരികയാണ് പൊലീസ്.

കേരള സർവകലാശാല അക്കാദമിക് കൗൺസിൽ യോഗം വിസി മാറ്റിവെച്ചതിൽ പ്രതിഷേധം

Story Highlights: Police officer Irshad killed by friend Sahad in Kollam, suspected drug involvement

കൊല്ലത്ത് 16 ദിവസത്തിനിടെ വാഹനാപകടങ്ങളിൽ മരിച്ചത് 13 പേർ; കൂടുതലും സ്ത്രീകളും യുവാക്കളും