മഹാരാഷ്ട്രയിലെ താനെയിൽ ദാരുണമായ സംഭവം അരങ്ങേറി. കുട്ടികളുടെ സംരക്ഷണത്തെ ചൊല്ലിയുണ്ടായ തർക്കത്തിനിടെ 36 വയസ്സുള്ള അംറിൻ എന്ന യുവതിയെ ഭർത്താവ് നദീം ഖാൻ കുത്തിക്കൊന്നു. സംഭവത്തിൽ നദീമിനെ പൊലീസ് അറസ്റ്റ് ചെയ്തു.
മിറ റോഡ് സ്വദേശികളായ ദമ്പതികൾക്ക് രണ്ടും പത്തും വയസുള്ള കുട്ടികളുണ്ട്. ഇവരുടെ സംരക്ഷണത്തെച്ചൊല്ലി ഇരുവരും തമ്മിൽ ഇടയ്ക്കിടെ വാക്കുതർക്കം ഉണ്ടായിട്ടുണ്ട്. കഴിഞ്ഞ ദിവസം ഇക്കാര്യം അറിയിക്കാൻ അംറിൻ പൊലീസ് സ്റ്റേഷനിൽ എത്തിയെങ്കിലും ഉദ്യോഗസ്ഥരുടെ തിരക്ക് കാരണം മടങ്ങുകയായിരുന്നു.
സ്റ്റേഷനിൽ നിന്നും മടങ്ങുന്ന വഴി നദീമുമായി അംറിന് വാക്കുതർക്കമുണ്ടായി. തുടർന്ന് നദീം അംറിനെ കുത്തുകയായിരുന്നു. സംഭവത്തിൽ നദീമിനെതിരെ പൊലീസ് കൊലക്കുറ്റം ചുമത്തിയിട്ടുണ്ട്. കേസിൽ പൊലീസ് വിശദമായ അന്വേഷണം തുടരുകയാണ്.
Story Highlights: Man stabs wife to death in Thane, Maharashtra over dispute about children’s custody
