Pune: 21-year-old woman gang-raped by fake human rights activists

പൂനെയിലെ ബോപ്ദേവ് ഘട്ടിൽ ഒരു 21 കാരി യുവതി കൂട്ടബലാത്സംഗത്തിനിരയായി. മനുഷ്യാവകാശ പ്രവർത്തകരെന്ന് അവകാശപ്പെട്ട് എത്തിയ മൂന്നുപേരാണ് ഈ ക്രൂരകൃത്യം നടത്തിയത്. സംഭവത്തിൽ രാജേ ഖാൻ കരീം പഠാൻ എന്നയാളെ പൊലീസ് അറസ്റ്റ് ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മറ്റ് രണ്ടുപേർക്കായി തിരച്ചിൽ തുടരുകയാണ്. യുവതിയും സുഹൃത്തും ബോപ്ദേവ് ഘട്ടിൽ നിൽക്കുമ്പോഴാണ് പ്രതികൾ കാറിലെത്തി ഇവരെ സമീപിച്ചത്. മനുഷ്യാവകാശ പ്രവർത്തകരെന്ന് സ്വയം പരിചയപ്പെടുത്തിയ ശേഷം, യുവതിയെ ഭീഷണിപ്പെടുത്തി കാറിലേക്ക് കയറ്റി.

തുടർന്ന് മൂവരും ചേർന്ന് യുവതിയെ ബലാത്സംഗം ചെയ്തു. യുവതിയുടെ കൂടെയുണ്ടായിരുന്ന സുഹൃത്തിനെ മർദിച്ച് അവശനാക്കുകയും ചെയ്തു. കൃത്യം നടത്തിയ ശേഷം യുവതിയെ ഖാദി മെഷീൻ ചൗക്കിൽ ഉപേക്ഷിച്ച് പ്രതികൾ രക്ഷപ്പെട്ടു.

സംഭവത്തെ തുടർന്ന് യുവതി ഇപ്പോൾ ആശുപത്രിയിൽ ചികിത്സയിലാണ്. ക്രൈം ബ്രാഞ്ചും ഡിറ്റക്ഷൻ ബ്രാഞ്ചും ചേർന്ന് പത്ത് സംഘങ്ങളായി തിരിഞ്ഞ് അന്വേഷണം നടത്തുന്നു. ജാൽഗാവ് സ്വദേശിയായ യുവതിയും ഗുജറാത്തിലെ സൂറത്തുകാരനായ സുഹൃത്തും പൂനെയിലെ കോളേജ് വിദ്യാർത്ഥികളാണ്.

സംഭവത്തെക്കുറിച്ച് ശിവസേന ഉദ്ധവ് താക്കറെ വിഭാഗം നേതാവ് ആനന്ദ് ഡൂബേ അപലപിച്ചു. സംസ്ഥാന സർക്കാരിന് സ്ത്രീകൾക്ക് സുരക്ഷ ഉറപ്പാക്കാൻ കഴിയുന്നില്ലെന്ന് അദ്ദേഹം ആരോപിച്ചു.

എംബിഎ പരീക്ഷ ഉത്തരക്കടലാസുകൾ കാണാതായി: പുനഃപരീക്ഷയ്ക്ക് കേരള സർവകലാശാലയുടെ തീരുമാനം

Story Highlights: 21-year-old woman gang-raped by fake human rights activists in Pune, one arrested

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്