Delivery Boy Murdered for iPhone in Lucknow, Body Dumped in Canal

ഉത്തര്പ്രദേശിലെ ലഖ്നൗവില് ഒരു ഡെലിവറി ബോയിയെ കൊലപ്പെടുത്തി കനാലില് തള്ളിയ സംഭവം പുറത്തുവന്നു. നിഷാത്ഗഞ്ച് സ്വദേശിയായ ഭരത് സാഹു എന്ന ഡെലിവറി ബോയിയെയാണ് ചിന്ഹാട്ട് സ്വദേശി ഗജാനനും കൂട്ടാളിയും ചേര്ന്ന് കൊലപ്പെടുത്തിയത്. ക്യാഷ്ഓണ് ഡെലിവറിയായി ഓര്ഡര് ചെയ്ത ഐഫോണ് നല്കാനായി വീട്ടിലെത്തിയപ്പോഴാണ് ഭരത് സാഹു കൊല്ലപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഗജാനന് ഫ്ലിപ്കാര്ട്ടില് നിന്ന് ഏകദേശം 1. 5 ലക്ഷം രൂപ വിലമതിക്കുന്ന ഐഫോണ് കാഷ് ഓണ് ഡെലിവറി പേയ്മെന്റ് ഓപ്ഷന് വഴി ഓര്ഡര് ചെയ്തിരുന്നു. സെപ്റ്റംബര് 23 ന് ഭരത് സാഹു ഗജാനന്റെ അടുത്ത് ഫോണുമായി എത്തിയപ്പോള്, ഫോണ് കൈപ്പറ്റിയശേഷം അദ്ദേഹത്തിന്റെ കഴുത്തു ഞെരിച്ച് കൊലപ്പെടുത്തുകയായിരുന്നു.

തുടര്ന്ന് മൃതദേഹം ചാക്കില് കെട്ടി ഇന്ദിരാ കനാലില് തള്ളി. രണ്ട് ദിവസമായിട്ടും സാഹു വീട്ടില് തിരിച്ചെത്താത്തതിനെ തുടര്ന്ന് വീട്ടുകാര് പൊലീസില് പരാതി നല്കി. പൊലീസ് അന്വേഷണത്തില് ഗജാനന്റെ കൂട്ടാളി ആകാശിനെ കസ്റ്റഡിയിലെടുത്തു.

ദിയ കൃഷ്ണകുമാറിന്റെ സ്ഥാപനത്തിലെ സാമ്പത്തിക തട്ടിപ്പ്: ജീവനക്കാരുടെ ജാമ്യഹർജിയെ എതിർത്ത് ക്രൈംബ്രാഞ്ച്

ചോദ്യം ചെയ്യലിലാണ് ആകാശ് കൊലപാതക വിവരം വെളിപ്പെടുത്തിയത്. ഭരത് സാഹുവിന്റെ മൃതദേഹം ഇതുവരെ കണ്ടെടുക്കാനായിട്ടില്ല. ഇന്ദിരാ കനാലില് നിന്നും മൃതദേഹം കണ്ടെത്താനായി പൊലീസ് സംസ്ഥാന ദുരന്ത നിവാരണ സേനയുടെ സഹായം തേടിയിട്ടുണ്ട്.

കേസിലെ മുഖ്യപ്രതി ഗജാനന് ഒളിവിലാണ്.

Story Highlights: Delivery boy murdered for iPhone in Lucknow, body dumped in canal

കാമുകന്റെ സ്വകാര്യ ഭാഗം ബ്ലേഡ് കൊണ്ട് മുറിച്ച് മാറ്റി; ഉത്തർപ്രദേശിൽ യുവതിക്കെതിരെ കേസ്