Rajasthan teacher arrested for showing obscene videos to students

രാജസ്ഥാനിലെ ടോങ്കില് ഝിലാല് ബ്ലോക്കിലെ ഗോപാല്പുര വില്ലേജിലെ ഗവണ്മെന്റ് ഹയര് പ്രൈമറി സ്കൂളിലെ അധ്യാപകനായ ലായിഖ് അഹമ്മദ് ഖുറേഷി അറസ്റ്റിലായി. അഞ്ചാംക്ലാസ്സിലെ വിദ്യാര്ഥികള്ക്ക് ഫോണില് അശ്ലീല വീഡിയോ കാണിച്ച ശേഷം മോശമായി പെരുമാറിയതിനാണ് അറസ്റ്റ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇയാളുടെ ക്ലാസിലുണ്ടായിരുന്ന രണ്ട് പെണ്കുട്ടികളുടെ രക്ഷിതാക്കളാണ് പരാതി നല്കിയത്. സെപ്റ്റംബര് പത്താംതീയതി ലായിഖ് ക്ലാസില്വെച്ച് മൊബൈല് ഫോണില് വിദ്യാര്ഥികള്ക്ക് അശ്ലീലവീഡിയോ കാണിച്ചെന്നാണ് പരാതിയില് പറഞ്ഞിരിക്കുന്നതെന്ന് നിവായി പൊലീസ് അറിയിച്ചു.

വെള്ളിയാഴ്ചയാണ് ലായിഖിനെതിരായ കേസെടുത്തത്. ഞായറാഴ്ചയാണ് ഖുറേഷിയെ അറസ്റ്റ് ചെയ്തത്.

ഇയാളെ സസ്പെന്ഡ് ചെയ്തതായി വിദ്യാഭ്യാസ വകുപ്പ് അറിയിച്ചു. തിങ്കളാഴ്ച കോടതിയില് ഹാജരാക്കിയ ഇയാളെ 15 ദിവസത്തെ ജുഡീഷ്യല് കസ്റ്റഡിയില് വിട്ടിരിക്കുകയാണ്.

ഈ സംഭവം വിദ്യാഭ്യാസ മേഖലയില് വലിയ ചര്ച്ചകള്ക്ക് വഴിവെച്ചിരിക്കുകയാണ്. കുട്ടികളുടെ സുരക്ഷയും സ്കൂളുകളിലെ അധ്യാപകരുടെ പെരുമാറ്റവും സംബന്ധിച്ച് കൂടുതല് ശ്രദ്ധ വേണമെന്ന ആവശ്യം ഉയര്ന്നിട്ടുണ്ട്.

Story Highlights: Teacher arrested for showing obscene videos to 5th grade students in Rajasthan government school

2025 യുജിസി കരട് ചട്ടങ്ങൾ: കേരളത്തിന്റെ നിലപാട് റിപ്പോർട്ട് സമർപ്പിച്ചു

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്