തമിഴ്നാട്ടിലെ തേനിയില്‍ ഒരു ക്ഷേത്രത്തിനുള്ളില്‍ കുട്ടികളെ ലൈംഗികമായി പീഡിപ്പിച്ച കേസില്‍ 70 വയസ്സുള്ള പൂജാരി അറസ്റ്റിലായി. പെരിയംകുളം ഭഗവതി അമ്മന്‍ ക്ഷേത്രത്തിലെ പൂജാരിയായ തിലകര്‍ ആണ് പോക്‌സോ നിയമപ്രകാരം റിമാന്‍ഡില്‍ ആയത്. ഇന്നലെ വൈകിട്ടായിരുന്നു കേസിനാസ്പദമായ സംഭവം നടന്നത്.
ക്ഷേത്രമുറ്റത്ത് കളിച്ചുകൊണ്ടിരുന്ന രണ്ട് ആണ്‍കുട്ടികളെയും ഒരു പെണ്‍കുട്ടിയെയും മിഠായി നല്‍കി തിലകര്‍ അടുത്തേക്ക് വിളിച്ചു. തുടര്‍ന്ന് മൂന്നു പേരെയും പീഡിപ്പിച്ചു എന്നാണ് പരാതിയിലുള്ളത്. കൂട്ടത്തിലെ പെണ്‍കുട്ടിയാണ് വിവരം മാതാപിതാക്കളെ അറിയിച്ചത്. സംഭവം അറിഞ്ഞതിനെ തുടര്‍ന്ന് കുട്ടിയുടെ മാതാപിതാക്കളും നാട്ടുകാരും ക്ഷേത്രമുറ്റത്ത് തടിച്ചുകൂടി.
നാട്ടുകാര്‍ സംഘടിച്ച് എത്തിയതോടെ ക്ഷേത്രത്തില്‍ ഒളിച്ചിരുന്ന പൂജാരിയെ പെരുകുളം പോലീസ് എത്തി പിടികൂടുകയായിരുന്നു. ഇയാളെ 15 ദിവസത്തേക്ക് റിമാന്‍ഡ് ചെയ്തിട്ടുണ്ട്. കുട്ടികള്‍ക്ക് കൗണ്‍സിലിംഗ് നല്‍കുമെന്ന് പൊലീസ് അറിയിച്ചു.
Story Highlights: 70-year-old priest arrested in Tamil Nadu for sexually assaulting children inside temple premises
