നടിയെ ആക്രമിച്ച കേസിലെ രണ്ടാംഘട്ട വിചാരണ നടപടികൾ ആരംഭിച്ചു. കേസിലെ 13 പ്രതികളിൽ 12 പേർ ഇന്ന് വിചാരണ കോടതിയിൽ ഹാജരായി. ദിലീപ് ഉൾപ്പെടെയുള്ള പ്രതികൾ കോടതിയിൽ എത്തിയപ്പോൾ ആറാം പ്രതി മാത്രം ഹാജരായില്ല. ഇന്നത്തെ നടപടികൾ പൂർത്തിയായതോടെ ദിലീപ് കോടതിയിൽ നിന്ന് മടങ്ങി. നാളെ മുതൽ പ്രതികളുടെ വിശദമായ വിസ്താരം നടക്കും.
വിചാരണയുടെ അവസാനഘട്ട നടപടികളാണ് പുരോഗമിക്കുന്നത്. പ്രതികളുടെ വിസ്താരം നാളെയും തുടരും. കേസിലെ ഒന്നാം പ്രതിയായ പൾസർ സുനി ഏഴരവർഷത്തിനുശേഷം ജയിലിൽ നിന്ന് പുറത്തിറങ്ങിയിരുന്നു. സുപ്രീം കോടതിയുടെ നിർദേശത്തെ തുടർന്നാണ് വിചാരണ കോടതി കേസിൽ പൾസർ സുനിക്ക് ജാമ്യം അനുവദിച്ചത്.
ഉപാധികളോടെയാണ് കോടതി പ്രതിക്ക് ജാമ്യം നൽകിയത്. ജയിലിൽ ഫോൺ ഉപയോഗിച്ചകേസിലും സുനിക്ക് ജാമ്യം ലഭിച്ചതോടെയാണ് സുനിയുടെ മോചനം സാധ്യമായത്. ഇതോടെ കേസിലെ പ്രധാന പ്രതികളെല്ലാം ഇപ്പോൾ ജാമ്യത്തിലാണ്.
Story Highlights: Second phase of trial begins in actress assault case, with 12 out of 13 accused appearing in court
