കൊച്ചിയിൽ വീട്ടമ്മയെ പീഡിപ്പിച്ച ജ്യോത്സ്യൻ അറസ്റ്റിലായി. തൃശൂർ സ്വദേശിയായ പ്രഭാത് എന്ന ജ്യോത്സ്യനാണ് പിടിയിലായത്. കുടുംബപ്രശ്നം പരിഹരിക്കാനെന്ന വ്യാജേന ചാത്തൻസേവയുടെ മറവിൽ നടത്തിയ പീഡനത്തെ തുടർന്ന് വീട്ടമ്മ നൽകിയ പരാതിയിലാണ് പാലാരിവട്ടം പൊലീസ് കേസെടുത്ത് അറസ്റ്റ് ചെയ്തത്.
സമൂഹമാധ്യമത്തിലെ പരസ്യം കണ്ടാണ് വീട്ടമ്മ ജ്യോത്സ്യനെ സമീപിച്ചത്. കുടുംബ പ്രശ്നങ്ങൾ പരിഹരിക്കാൻ പൂജ നടത്തണമെന്ന് പറഞ്ഞ് കൊച്ചി വെണ്ണലയിലേക്ക് വിളിച്ചുവരുത്തിയാണ് ആദ്യം പീഡിപ്പിച്ചത്. പൂജയുടെ പേരിൽ രണ്ടു തവണയാണ് പീഡനം നടന്നതെന്നാണ് പരാതി. കഴിഞ്ഞ ജൂണിൽ നടന്ന പൂജയ്ക്കിടെയായിരുന്നു ആദ്യ പീഡനം.
ആദ്യ പൂജയ്ക്ക് ഫലം കാണാത്തതിനാൽ വീണ്ടും പൂജ നടത്തണമെന്ന് ആവശ്യപ്പെട്ട് വിളിച്ചുവരുത്തി തൃശൂരിൽ വച്ചും പീഡിപ്പിച്ചുവെന്നാണ് പരാതിയിൽ പറയുന്നത്. വിവരം പുറത്തുപറഞ്ഞാൽ കൊല്ലുമെന്ന് ഭീഷണിപ്പെടുത്തിയതോടെയാണ് വീട്ടമ്മ പൊലീസിനെ സമീപിച്ചത്. കേസിൽ പ്രതിയെ റിമാൻഡ് ചെയ്തു.
Story Highlights: Astrologer arrested in Kochi for sexually assaulting housewife under the guise of performing rituals to solve family problems
