അമേരിക്കയിലെ അലബാമ സംസ്ഥാനത്തെ ബിർമിംഗ്ഹാമിൽ ശനിയാഴ്ച രാത്രി ഉണ്ടായ വെടിവെപ്പിൽ നാലു പേർ കൊല്ലപ്പെട്ടതായി റിപ്പോർട്ട്. രാത്രി 11 മണിയോടെയാണ് സംഭവം നടന്നത്. തെക്കൻ പ്രദേശത്തുള്ള അഞ്ച് സ്ഥലങ്ങളിലാണ് വെടിവെപ്പ് ഉണ്ടായത്. നിരവധി പേർക്ക് പരിക്കേറ്റതായും റിപ്പോർട്ടുകളുണ്ട്.
ജനവാസ മേഖലയായ ഈ പ്രദേശത്ത് ഒട്ടേറെ റസ്റ്റോറന്റുകളും ബാറുകളും ഉണ്ടെന്നാണ് വിവരം. സംഭവത്തെ തുടർന്ന് ബിർമിംഗ്ഹാം പൊലീസും അഗ്നിശമന സേനാംഗങ്ങളും സ്ഥലത്തെത്തി സ്ഥിതിഗതികൾ വിലയിരുത്തി. വെടിവെപ്പിൽ ഒന്നിലധികം പേർ ഉൾപ്പെട്ടിട്ടുണ്ടെന്നാണ് പൊലീസിന്റെ നിഗമനം.
കൊല്ലപ്പെട്ടവരിൽ മൂന്നുപേർ സംഭവസ്ഥലത്തു വച്ചും ഒരാൾ ആശുപത്രിയിലുമാണ് മരിച്ചത്. അലബാമ സർവകലാശാലയ്ക്കു സമീപമാണ് വെടിവെപ്പ് നടന്നത്. സമീപകാലത്തായി അമേരിക്കയുടെ വിവിധ പ്രദേശങ്ങളിൽ വർധിച്ചുവരുന്ന വെടിവെപ്പ് ആക്രമണങ്ങളിൽ ജനങ്ങൾ കടുത്ത ആശങ്കയിലാണ്.
Story Highlights: Four killed in shooting near University of Alabama, multiple injured in Birmingham area
