ബെംഗളൂരുവിലെ മുന്നേശ്വരിലെ വയലിക്കാവിലെ വീട്ടില്‍ ഒരു യുവതിയുടെ മൃതദേഹം 30 കഷണങ്ങളാക്കി ഫ്രിഡ്‌ജില്‍ സൂക്ഷിച്ച നിലയില്‍ കണ്ടെത്തി. പൊലീസ് അറിയിച്ചതനുസരിച്ച്, മൃതദേഹത്തിന് അഞ്ച് ദിവസം പഴക്കമുണ്ട്. കര്‍ണാടകയ്‌ക്ക് പുറത്ത് നിന്നുള്ള യുവതിയാണ് കൊല്ലപ്പെട്ടതെന്നും പൊലീസ് വ്യക്തമാക്കി.
മൂന്ന് മാസം മുമ്പാണ് യുവതി ഇവിടെയെത്തി വീട് വാടകയ്‌ക്കെടുത്ത് താമസം തുടങ്ങിയത്. സെപ്‌റ്റംബര്‍ 21 രാവിലെ യുവതിയെ കാണാന്‍ അമ്മയും സഹോദരിയും എത്തിയപ്പോഴാണ് മരണ വിവരം പുറത്തറിയുന്നത്. ഇതോടെ പൊലീസ് കേസെടുത്ത് അന്വേഷണം ആരംഭിച്ചു.
കൊലപാതകത്തിന് പിന്നില്‍ ആരാണെന്ന് കണ്ടെത്താനായിട്ടില്ലെന്ന് പൊലീസ് അറിയിച്ചു. സംഭവത്തില്‍ അന്വേഷണം ഊര്‍ജിതമാക്കിയതായി പൊലീസ് കമ്മിഷണർ സതീഷ് വ്യക്തമാക്കി. ഈ ക്രൂരമായ കൊലപാതകം ബെംഗളൂരു നിവാസികളെ ഞെട്ടിച്ചിരിക്കുകയാണ്.
Story Highlights: Woman’s body found cut into 30 pieces and stored in fridge in Bengaluru
