ആലപ്പുഴ രാമങ്കരിയിൽ ഗുരുതരമായ ആക്രമണ സംഭവം നടന്നു. രാമങ്കിരി വേഴപ്ര സ്വദേശി പുത്തൻപറമ്പിൽ ബൈജുവിന്റെ വീട്ടിൽ കയറി അക്രമികൾ വെട്ടി പരിക്കേൽപ്പിച്ചു. ബൈജുവിന് ഗുരുതരമായ പരിക്കുകൾ ഏറ്റിട്ടുണ്ട്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
സംഭവത്തിൽ ബൈജുവിനൊപ്പമുണ്ടായിരുന്ന യുവതിയെ തട്ടിക്കൊണ്ടുപോയതായും റിപ്പോർട്ടുകളുണ്ട്. ആക്രമണത്തിന് പിന്നിൽ ബൈജുവിനൊപ്പമുണ്ടായിരുന്ന യുവതിയുടെ മുൻ ഭർത്താവാണെന്ന് സംശയിക്കുന്നു. നിലവിൽ ഇരുവരെയും കാണാനില്ലെന്നാണ് വിവരം.
സംഭവത്തിൽ രാമങ്കരി പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ഈ സംഭവം നാട്ടിൽ വലിയ ആശങ്ക സൃഷ്ടിച്ചിരിക്കുകയാണ്. പ്രതികളെ കണ്ടെത്താനും കാരണം വ്യക്തമാക്കാനുമുള്ള ശ്രമങ്ങൾ പുരോഗമിക്കുന്നു.
കൂടുതൽ വിവരങ്ങൾ പുറത്തുവരാനിരിക്കുന്നതേയുള്ളൂ.
Also Read: ആലപ്പുഴയിൽ അതിദരിദ്രരുടെ ഭക്ഷ്യ കൂപ്പൺ തട്ടിപ്പ്; കോൺഗ്രസ് നേതാവിനെതിരെ കേസ്
