Wife murdered over dowry demand in Uttar Pradesh's Amroha

ഉത്തർപ്രദേശിലെ അംറോഹയിൽ സ്ത്രീധനത്തിന്റെ പേരിൽ ഭർത്താവ് ഭാര്യയെ കൊലപ്പെടുത്തിയ സംഭവം റിപ്പോർട്ട് ചെയ്യപ്പെട്ടു. ടി വി എസ് അപ്പാച്ചെ ബൈക്കും മൂന്ന് ലക്ഷം രൂപയും സ്ത്രീധനമായി നൽകണമെന്ന വരന്റെ ആവശ്യം നിറവേറ്റാൻ വധുവിന്റെ വീട്ടുകാർക്ക് സാധിക്കാതിരുന്നതാണ് ഈ ദാരുണ സംഭവത്തിന് കാരണമായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബൈഖേദ സ്വദേശികളായ സുന്ദറും മീനയും രണ്ട് വർഷം മുമ്പാണ് വിവാഹിതരായത്. സ്ത്രീധനം ആവശ്യപ്പെട്ട് നിരന്തരം ശല്യം ചെയ്യാറുണ്ടെങ്കിലും, എല്ലാ ദിവസവും മീനയെ കാണാൻ വരികയും അവിടെ നിന്ന് ഭക്ഷണം കഴിക്കാറുമുണ്ടായിരുന്നതായി മീനയുടെ കുടുംബം വ്യക്തമാക്കി.

എന്നാൽ ഞായറാഴ്ച രാത്രി സുന്ദർ മീനയെ തന്റെ വീട്ടിലേക്ക് കൂട്ടിക്കൊണ്ടു പോയി, അവിടെ വച്ച് സ്ത്രീധനത്തെ പറ്റിയുള്ള സംസാരം വഴക്കിലേക്ക് നയിച്ചു. തുടർന്ന് സുന്ദർ മീനയെ വടികൊണ്ടടിക്കുകയും കഴുത്ത് ഞെരിച്ച് കൊലപ്പെടുത്തുകയുമായിരുന്നു.

നാട്ടുകാരാണ് കൊലപാതകവിവരം പൊലീസിനെ അറിയിച്ചത്. മീനയുടെ കുടുംബം സുന്ദറിനും അമ്മക്കും സഹോദരിക്കും മറ്റ് നാല് പേർക്കുമെതിരെ പരാതി നൽകിയിട്ടുണ്ട്.

ഇടുക്കിയിൽ മകന്റെ മർദനത്തിൽ പിതാവിന് ഗുരുതര പരിക്ക്; പ്രതിയെ കസ്റ്റഡിയിലെടുത്തു

പ്രതിക്കായുള്ള തിരച്ചിൽ തുടരുകയാണെന്ന് പൊലീസ് അറിയിച്ചു.

Story Highlights: Husband kills wife over dowry demand of TVS Apache bike and Rs 3 lakh in Uttar Pradesh’s Amroha

കണ്ണൂരിൽ യുവതിയെ പെട്രോൾ ഒഴിച്ചു കൊലപ്പെടുത്തിയ സംഭവം: സുഹൃത്ത് അറസ്റ്റിൽ