Young Man Murdered in Elamakkara, Kochi; Suspect Arrested

കൊച്ചി എളമക്കരയിലെ നടുറോഡില് യുവാവിനെ മരിച്ചനിലയില് കണ്ടെത്തിയ സംഭവം കൊലപാതകമാണെന്ന് പൊലീസ് സ്ഥിരീകരിച്ചു. മാരോട്ടിച്ചുവട് പാലത്തിന് താഽെ താമസിക്കുന്ന പ്രവീണാണ് കൊല്ലപ്പെട്ടത്. പുലര്ച്ചെയാണ് പ്രദേശവാസികള് യുവാവിന്റെ മൃതദേഹം കണ്ടെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മൃതദേഹത്തില് കണ്ടെത്തിയ മുറിവുകളില് നിന്ന് മരണം കൊലപാതകമാണെന്ന സംശയം പോലീസിനുണ്ടായിരുന്നു. പ്രവീണ് കൊല്ലപ്പെട്ട കേസില് കൊല്ലം സ്വദേശി സമീറിനെ പൊലീസ് അറസ്റ്റ് ചെയ്തു. പ്രവീണിന്റെ ഫോണ് കോളുകളും സാമ്പത്തിക ഇടപാടുകളും കേന്ദ്രീകരിച്ച് അന്വേഷണം നടത്തുന്നതിനിടെയാണ് സമീര് പിടിയിലായത്.

തൃപ്പൂണിത്തുറ സ്വദേശിയായ മറ്റൊരാളെയും കസ്റ്റഡിയിലെടുത്ത് പൊലീസ് ചോദ്യം ചെയ്ത് വരികയാണ്. മദ്യപാനത്തെ തുടര്ന്ന് ഉണ്ടായ തര്ക്കമാണ് കൊലപാതകത്തിലേക്ക് നയിച്ചതെന്നാണ് പൊലീസ് പറയുന്നത്. സംഭവ സ്ഥലത്തിന് സമീപത്ത് നിന്ന് ആക്രമണത്തിന് ഉപയോഗിച്ചതെന്ന് സംശയിക്കുന്ന ആയുധങ്ങളും പൊലീസ് കണ്ടെടുത്തിരുന്നു.

ഇടപ്പള്ളി കൂനന്ദൈ സ്വദേശിയായ പ്രവീണ് ഏറെ നാളായി വീടുമായി വലിയ ബന്ധങ്ങള് ഇല്ലായിരുന്നുവെന്ന് നാട്ടുകാര് പറഞ്ഞു. കഴിഞ്ഞ കുറെ നാളുകളായി പ്രവീണ് ഇവിടെ തന്നെയാണ് താമസിച്ചിരുന്നത്.

രാഹുൽ മാങ്കൂട്ടത്തിനെതിരായ നടപടി മാതൃകാപരം; കോൺഗ്രസ് നല്ല നിലപാടുള്ള പാർട്ടിയെന്ന് വി.ഡി. സതീശൻ

Story Highlights: Young man found dead on road in Elamakkara, Kochi; Police confirm murder, arrest suspect Sameer from Kollam

കൊച്ചിയിൽ ഐടി ജീവനക്കാരനെ തട്ടിക്കൊണ്ടുപോയ കേസിൽ സിനിമാ നടിക്കും പങ്കെന്ന് സൂചന; മൂന്ന് പേർ റിമാൻഡിൽ