Nipah Virus Confirmed in Malappuram: 5 Wards Declared Containment Zones

മലപ്പുറം ജില്ലയില് നിപ വൈറസ് ബാധ സ്ഥിരീകരിച്ച സാഹചര്യത്തില് ജില്ലാ കളക്ടര് വി. ആര്. വിനോദ് കര്ശന നടപടികള് പ്രഖ്യാപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തിരുവാലി പഞ്ചായത്തിലെ 4, 5, 6, 7 വാര്ഡുകളും മമ്പാട് പഞ്ചായത്തിലെ 7-ാം വാര്ഡും കണ്ടെയ്ന്മെന്റ് സോണായി പ്രഖ്യാപിച്ചു. ഈ പ്രദേശങ്ങളില് പ്രോട്ടോകോള് പ്രകാരമുള്ള നിയന്ത്രണങ്ങള് ഏര്പ്പെടുത്തുകയും നബിദിന ഘോഷയാത്ര മാറ്റിവയ്ക്കാന് നിര്ദ്ദേശിക്കുകയും ചെയ്തു. ജില്ലയില് പൊതുവെ ജാഗ്രത പാലിക്കണമെന്നും മുന്കരുതലായി മാസ്ക് ധരിക്കണമെന്നും കളക്ടര് അഭ്യര്ത്ഥിച്ചു.

24 വയസുകാരനായ യുവാവിന്റെ മരണത്തെ തുടര്ന്നാണ് നിപ വൈറസ് സ്ഥിരീകരിച്ചത്. സ്വകാര്യ ആശുപത്രിയില് മരിച്ച യുവാവിന്റെ സാമ്പിളുകള് കോഴിക്കോട് മെഡിക്കല് കോളേജില് പരിശോധിച്ചപ്പോള് പോസിറ്റീവ് ആയിരുന്നു. തുടര്ന്ന് പൂനെ നാഷണല് വൈറോളജി ഇന്സ്റ്റിറ്റ്യൂട്ടില് നടത്തിയ പരിശോധനയിലും നിപ സ്ഥിരീകരിച്ചു.

ആരോഗ്യവകുപ്പ് മന്ത്രിയുടെ നേതൃത്വത്തില് അടിയന്തര യോഗം ചേര്ന്ന് പ്രോട്ടോകോള് പ്രകാരമുള്ള നടപടികള് സ്വീകരിക്കാന് നിര്ദേശം നല്കി. നിലവില് 151 പേരാണ് പ്രാഥമിക സമ്പര്ക്ക പട്ടികയിലുള്ളത്. ഇവരില് നേരിട്ട് സമ്പര്ക്കത്തില് ഏര്പ്പെട്ടവരെ ഐസൊലേഷനിലേക്ക് മാറ്റിയിട്ടുണ്ട്.

മലപ്പുറത്ത് സ്കൂൾ മേൽക്കൂര തകർന്ന് വീണു; വിദ്യാർത്ഥികൾ തലനാരിഴയ്ക്ക് രക്ഷപ്പെട്ടു

ഐസൊലേഷനിലുള്ള 5 പേര്ക്ക് ലഘുവായ ലക്ഷണങ്ങള് കണ്ടതിനെ തുടര്ന്ന് സാമ്പിളുകള് പരിശോധനയ്ക്ക് അയച്ചിട്ടുണ്ട്. അണുബാധ സാധ്യതയുള്ള എല്ലാവരെയും കോണ്ടാക്ട് ട്രേസിംഗ് നടത്തി നിരീക്ഷണത്തിലാക്കുന്നതിനുള്ള പ്രവര്ത്തനങ്ങള് അന്തിമ ഘട്ടത്തിലാണ്. ആശങ്കപ്പെടേണ്ട സാഹചര്യമില്ലെന്ന് അധികൃതര് അറിയിച്ചു.

Story Highlights: Nipah virus confirmed in Malappuram, 5 wards declared containment zones, authorities implement strict measures

സ്വർണവിലയിൽ നേരിയ കുറവ്; ഒരു പവൻ സ്വർണത്തിന്റെ ഇന്നത്തെ വില അറിയാമോ?